حملة تضامن واسعة مع حمادة صميدة بعد تعرضه للتنمر: «إنت قمر»
تعاطف كثير من جمهور مواقع التواصل مع الفنان حميدة صميدة، الذي تعرض على موقع التواصل «فيسبوك» وأعلنوا دعمهم له وأثنوا على موقفه الذي وصفوه بـ«الشجاع» و«الجريء».
وكتب صميدة، عبر حسابه بفيسبوك: "أنا مش كاتب البوست ده عشان الناس تتعاطف معايا أو أصعب عليهم أول حاجة بقولها من قلبي ووجعني قوى التنمر بشوف ناس بتتنمر عليا، على أن أنا اللي خلق شكلي ده خلقه ربنا وأنا فخور بشكلي ولمّا أجي اتكلم مع حد يتجاهلني أقسم بالله أنا إنسان وبشر وبحس وتعبان نفسيًا من اللي بشوفه، أنا عارف إني مش قمر ولا وسيم ولا شكلي بس بلاش تكسرني وتوجعني".
وتابع "مش عارف لحد امته هعامل الناس بطيبة ونيّة صافية وافتكر أن أي حد يتعامل معايا كويس يبقي صاحبي أو صاحبتي بجد نفسي افوق وبتفأجي بجد بناس معرفهاش طريقه تتغير وناس مصلحنجية وناس بتتنمر وكله بيحب نفسه وبس، نفسي اتغير واتعامل زيهم، لكن للأسف تربيتي عودتني إن مردشً لحد اللى بيعملو أنا نفسي الناس تراعي حاجه اسمها عيش وملح وتبطل نفاق وتبطل قله زوق أنا مش عايز حد معايا غير الناس اللى بحبهم وبيحبوني وبس صحابي اللى بجد اللى عمرهم رغم عدم اهتمامي ف أوقات كتير لكنهم بيراعوني وواقفين جمبي".
قالت آية ياسر، أحد الأصدقاء صفحة صميدة: "إنت قمر وجميل وإنسان طيب وناجح وده ظاهر جدًا أثناء قيامك بالتمثيل تجاهل هذه الشخصيات المريضة، بينما طالبت صابرين الناس باحترام خلقة الله قائلة:"هل حد فيهم يعرف يخلق بعوضة عشان يتنمر على خلقة ربنا؟
وقالت مروة درويش أحد المتابعين للفنان: ثق بنفسك وتجاهل هؤلاء الحمقى، بينما طالب أحمد حسبن بضرورة تفعيل حملات ضد التنمر، لافتًا إلى أن الموضوع له علاقة بالأخلاق والتربية.
أضافت صفاء الشرقاوي: "السوشيال خلتنا نشوف عاهات ناس بتتنمر على خلق الله وناسية نفسها مع أن من الممكن أنها تكون أداة سهلة جدا للتنمر"، ليطالب عدد من جمور الفنان بالاهتمام بمستقبله وتطورير نفسه وعدم الالتفات إلى هؤلاء الحاقدين.
