أحمد فلوكس و«ابن الأصول» فى أحدث ظهور داخل الجيم (صورة)

شارك الفنان أحمد فلوكس، متابعيه، عبر حسابه على موقع تداول الصور والفيديوهات "إنستجرام"، صورة جديدة له من داخل الجيم.

وعلق أحمد فلوكس على الصورة، قائلا: "ولاد الأصول، نتكلم شوية عن ولاد الأصول اللي مبقناش بنقابلهم في حياتنا كتير، بتعرف ابن الأصول إزاي؟؟، أنا أقولك، ابن الأصول عمره ما ينكر فضل حد بعد فضل ربنا عليه أو ينساه، وبيفضل باقي على العشرة لحد آخر لحظة وبيعمل كل اللي عليه وزيادة، ومبيردش الأذى بالأذى".

وتابع: "وقت الشدة لو احتجته لازم هتلاقيه ويمكن من غير ما تطلب كمان هتلاقيه قدامك، بيساعد الكل من غير أي مصلحة تعود عليه، ابن الأصول كرامته عنده رقم 1 ومستحيل هيقبل أي إهانة ونفسه عزيزة عليه فوق ما خيالك ممكن يوديك".

وأضاف: "ابن الأصول بيعرف يعتذر لو غلطان مش بيستكبر، يقول أنا آسف وغلطت فعلًا وغلطه مبيكرروش، ابن الأصول كلمته واحدة لما يقولك هعمل صدقه، ابن الأصول ضميره من جواه بيتحكم فيه ومبيسلمش ودانه لحد، ابن الأصول صاحب صاحبه جدا مستحيل يبيع صاحبه علشان مصلحته".