عمر كمال يوجه رسالة نارية لـ حسن شاكوش (فيديو)

علق مطرب المهرجانات، عمر كمال، على أزمته مع المطرب حسن شاكوش، قائلا: "إحنا اتفقنا على طريق نمشيه مع بعض وفكرنا في تطوير المهرجان الشعبي والارتقاء به".

وأضاف عمر كمال، خلال مداخلة تليفزيونية، "لما عملنا مهرجان بنت الجيران جاب 100 مليون مشاهدة".

وتابع: "مشكلتي مع حسن شاكوش مش مشكلة فلوس، على أد ما هي مشكلة نسب النجاح لشخص واحد بس".

واستكمل: "حسن شاكوش يخرج في البرامج ويتحدث عن أن أغنية بنت الجيران ملك له فقط، ومفيش عمر كمال خالص، بيقول عمر كمال مالوش في الفلوس والأغنية بتاعتي أنا".

ووجه عمر كمال رسالة إلى حسن شاكوش، قائلًا: "إنت نزلت بعد بنت الجيران 6 أغاني محدش سمع عنهم حاجة، المشكلة هتتحل لما حسن شاكوش يقول إن عمر كمال شريك أساسي في الأغنية، مفيش حاجة اسمها دي أغنيتي أنا".