القاهرة : الأحد 21 أكتوبر 2018
محمد الباز رئيس مجلسى الإدارة و التحرير
محمد العسيري رئيس التحرير التنفيذي
ads
تقارير ومتابعات
الجمعة 12/أكتوبر/2018 - 12:15 م

غضب أهالي شبين الكوم من لافتة المعلم "الدنجوان": طلبنا من الحي إزالتها

 غضب أهالي شبين الكوم
هاجر رضا
dostor.org/2357246

حالة جدل أُثيرت عبر موقع التواصل الاجتماعي "فيسبوك"؛ لافتة علقها 3 شباب في منطقة البر الشرقي، بشبين الكوم، مكتوب عليها "المستر بيحبك وبيغير عليكي، إوعي تسيبيه هيموت من غيرك تتجوزيه"، "الدستور" تواصلت مع أهالي المنوفية لمعرفة تفاصيل أكثر عن اللافتة المثيرة للجدل.

وأعربت منة الله عمر، إحدى قاطنات مدينة شبين الكوم، عن غضبها من اللافتة، ووصفتها بأنها سيئة للغاية، مُضيفة أنها رأت في الآونة الأخيرة، لافتة عبارة عن اعتذار من شخص لحبيبته.

وتابعت قائلًة: "اليافطة كانت هتبقى حلوة أوي لو البنات اللي عاملينها للمستر بتاعهم، لأنه هيدل ساعتها على حبهم ليه، ونجاحه في إنه قريب من الطلاب، وده جزء إيجابي، بس الناحية السلبية في الموضوع إنه من المستر لطالبة عنده وده شيء مش مقبول، لأنه بيفتح عين البنات الصغيرة على حاجات أهم من الدراسة، والأمور في العموم دلوقتي خرجت عن مسارها الطبيعي؛ يعني كان زمان لمّا كنا بنشوف المدرس بتاعتنا كنّا بنستخبى عشان ميشوفناش كنّا بنحترمه جدًا وبنخاف منه اعتقد بالشكل ده الوضع اتغير خالص".

وقال أحمد النحال، من البر الشرقي: "هناك يافطة أخرى عند نادي القضاة بالقرب من منزل الفتاة المقصودة، ولا أحد من الأهالي يعلم من هي، ولا المدرس اللى علقها".

وأكد محمد فوزي، من شبين الكوم، أت البانر كان معلقا أمام حضانة في شارع السجن بشبين، ومحل أسماك، ولا نعلم من وراء تلك اللافتة.

وأضاف: "الأهالي في حالة استغراب شديدة، مُتابعًا: "إزاي يتعمل حاجة زي دي، وفعلًا محدش عارف أي تفاصيل غير مكانها بس، وروحنا بلّغنا الحي وبالفعل تمت إزالتها".

وقالت تقى عزمي: رد فعل الناس في المنطقة كان غريبًا، بعضهم أصابه الضيق من الموقف، والآخر سخر من المدرس واصفًا إياه بـ"التافه".

شهدت موقع التواصل الاجتماعي "فيس بوك" عاصفة سخرية بشأن اللافتة، وأكد المغردون أن القصة سببها غياب الدور الرقابي للأسرة.

ads