إيساف يجرى عملية جراحية بالفم
أجرى الفنان إيساف، عملية جراحية بسبب ظهور خراج في الفم، غيّر من شكل وجهه، وشارك جمهوره ما مر به، حيث قال عبر صفحته الرسمية على "فيسبوك": "الصحة تاج على رءوس الأصحاء.. أنا لسه خارج من المستشفى كنت بعمل عملية غريبة جدًا، خراج في شفايفي من بره ألم فظيع عمري ما حسيته قبل كده، مع إني ياما عملت حوادث وياما حصلي بس ده كان أقوى ألم أحس بيه، ده غير شكلي اللي اتغير خالص وباظ وورم بوقي وشي كله ورقبتي وغير شكلي".
وتابع: "الدنيا كلها هانت بالنسبة لي في التمني بعدم الإحساس بالألم وبأن شكلي يرجع تاني.. كل اللي عايز أقوله إننا في نعمة كبيرة أوي أوي والله لازم نشكر ربنا عليها، وهي الصحة مهما كنت ولا كنتي ولا كنا بنقابل من مشاكل في الحياة قول الحمد لله على الصحة دي نعمة كبيرة أوي".
وأضاف: "دي تجربة أنا مريت ولسه بمر بيها لحد دلوقتي، وحبيت أنقل لكل صحابي إيجابياتها، وده دورنا وحقنا على بعض بنحاول كل شوية حد فينا يفكرنا ويفوقنا من غرور الدنيا وبنرجع تاني أنا عارف لأننا بني آدمين بس برضه ربنا من رحمته بيبعتلنا اللي يفوقنا تاني".
