عشاق «الهضبة» في عيد ميلاده: « كل سنة وانت صوت شبابنا»

يحتفل جمهور عمرو دياب، اليوم، بعيد ميلاده الـ 61، فهو يُعد واحد من أبرز المطربين في الوطن العربي؛ قضى أربعون عامًا في مجال الفن والغناء، ولُقب بالهضبة، كونه الأنجح في مسيرته الفنية طوال هذه السنوات.

وقدَّم العديد من جمهور الفنان عمرو دياب، التهنئة بعيد ميلاده عبر صفحات التواصل الاجتماعي المُختلفة، فيما تصدَّر اسم الهضبة قائمة الترند على موقع التدوينات القصيرة «تويتر» خلال الساعات الأخيرة، واكتظّ الموقع بمنشورات التهنئة لأيقونة الغناء المصرية والعربية.

جمهور عمرو دياب

قال أحد محبين عمرو دياب عبر «تويتر»: «مش مجرد مطرب عمرو دياب هو عمر كامل عشناه معاه فى كل مرحلة من حياتنا مع كل البوم لينا ذكريات حلوة كل غنوة بتحكى عن موقف عشناه معاه كل سنة وانت روح وشباب وحياة بكل مافيها يا هضبة».

وغردت أُخرى تُدعى أميرة أبو شهبة: «النهاردة عيد ميلاد أعظم وأهم نجم غناء مصري وشرقي معاصر.. كل سنة و انت هضبة لا تنكسر، ولا يطالها صغير.. كل سنة وانت قائد المجال الموسيقي فى الشرق.. كل سنة وانت صوت شبابنا وحبنا وفرحنا يانجم كل العصور».

وأضاف آخر: « وفضلت ف الصورة..حدوتة أسطورة.. الشاب صاحب الـ61عام.. 40 سنه فالقمة، هتفضل مطربى المفضل اللى بحس إن كل أغنيه بيقولها بتمسنى اناوبتحكى قصتى ذكرياتى كلها معه من صغرى كل سنه وانت مفرحنابكلماتك والبوماتك وحفلاتك».

وكتبت خديجة:  كل سنة وأنت أغلى وأحلى.. كل سنة وأنت معانا يا هضبة.. عيد ميلاد الفنان المفضل ليا والفنان الوحيد اللي بحبه وبتابعه واللي أغانيه ياما ليها معايا ذكريات في كل حاجة في حياتي.. ويفضل عمرو دياب بالنسبة لي أفضل فنان عربي في التاريخ ومش هيتكرر تاني».

وتابعت فاطمة السيد: «وفضلت في الصورة .. حدوتة أسطورة.. الشاب صاحب الـ61 عامًا.. 40 سنه من المجهود و النجاح والابداعات.. كل سنه وانت دايما وزير السعاده كل سنه وانت عمرو دياب».

واختتم آخر: «طول عُمري وانتَ ف قلبي ودايماً قلبي بيجري عليك .. أوّل ما أسمع صوتك بنسى الدّنيا معاك.. طول عُمري وانتَ دوا روحي حِتّة من قلبي ولا يحلى عُمري غير بيك.. طول عُمري وانتَ حبيبي وأغلى من عُمري .. وأحلى حاجة في عُمري .. ويا ربّ ما أعيش يوم من عُمري بِدونك».