بعد تصدرها التريند.. بدرية طلبة تتراجع عن منشور الخطف: «اعتبرونى مقولتش حاجة»
تصدرت الفنانة بدرية طلبة محركات البحث على جوجل بسبب منشور عبر صفحتها موقع التواصل الاجتماعي “فيسبوك” تروي فيه تفاصيل تعرض إحدى قريباتها للخطف ولكنها تراجعت عن المنشور، قائلة: “اعتبرونى منزلتش حاجة”.
وقالت بدرية في منشورها: "اعتبرونى منزلتش حاجة طالما حتعدوا تكذبوا وتناقشوا انا بوعيكم مش اكتر لان حصل معانا فعلا ومقولتش تخدير كلى زي ما بتقولو والبوست كان واضح".
وأضافت: "واللي بيدخل على الخاص عايز التفاصيل أنا مش فاضية اعد اشرح لكل واحد مش مصدق براحة راحتك والغريبه بقي اللى يقولك ترند!!! ترند ايه يا أبو ترند هو أى هبد واى كلام؟".
وقد نشرت بدرية طلبة عبر حسابها على “فيسبوك” صورة لذراع ابنة شقيقها بعد إصابتها من محاولة لتخديرها واختطافها، وكتبت محذرة متابعيها للاهتمام ببناتهم.
وقالت: "والله ماكنت بصدق ومكانش يجي علي بالي أبدا إن دي حقيقة لكن حصلت لحد مني".
وتابعت بدرية طلبة: "اللي اتشكت دي بنت أخويا، وربنا ستر ورجعت بيتها بالسلامة، أمانة خدوا بالكم من بناتكم لأن واضح إن البنات الكبار هم السن المستهدف".
وأضافت: "شيروا علي قد ما تقدروا علشان نوعي الناس، دا مش بوست منقول، دى صفحتى أنا بدرية طلبة ودى بنت أخويا"، ولم تكشف بدرية طلبة عن موقف أسرتها من إبلاغ الشرطة عن الواقعة أو تفاصيل وكيفية حدوثها.
