كيف علّق نشطاء «فيسبوك» على زلزال اليوم؟
وقع فجر اليوم الثلاثاء زلزال استمر لقرابة دقيقة تقريبا، شعر به سكان القاهرة الكبرى وبعض المدن المصرية قالت عنه الهيئة الجيولوجية المصرية إنه كان بقوة 6.6 ريختر ومركزه جزيرة قبرص.
وقابل رواد موقع التواصل الاجتماعي «فيسبوك» شعورهم بالزلزال بالسخرية مما حدث.
وقالت أسماء علي: «صباح الخير.. عاوزة أجيب ملطشة كهربية للي عمال يقول هو إيه شعور الزلزال أصلي محستش وناسي إنه كان ممكن يصحي مردوم مدفون تحت بيته بالتراب الكوميدي».
وكتبت سارة شهاب: «أنا صاحية مستنيه ريمونتادا الزلزال».
وكتبت مروة الصعيدي: «وكالعادة كنت صاحية وبرده ولا حسيت بالزلزال ميصحش كده».
وقالت ريم خيري شلبي: «من كتر ما أنا بتمرجح علي السرير طول الوقت خدت الزلزال بكل بساطة».
وقال ياسين محمد: «الزلزال بييجي لحد المعادي ويمشي بالراحة».
وكتب عمر صابر تعليقا كوميديا مصحوبا بصورة رجل نائم: «مصر كلها حست بالزلزال وده كان حالي».
وقال علاء منصور: «أنا محستش بالزلزال عشان الزلزال عمره ما حس بيا».
وكتب عمرو فهمي رسام الكاريكاتير: «الزلزال ده يحس بيه العيال التوتو اللي دماغها خفيفة».
وتساءلت تغريد علي ساخرة وكتبت: «أنا آخر زلزال حسيت بيه زلزال 92 هو أنا ضد الزلازل ولا إيه».
وكتب كريم المصري: «الزلزال ده بيجوع أوي».
وقالت توتا محمد: «الزلزال جه وأنا نايمة ومصحانيش ميصحش كده».
وكتب أحمد صبحي: «أنا محسيتش بالزلزال زي باقي الناس تقريبًا الإحساس عندي مش شغال تقريبًا».
وقال إبراهيم زلط: «معلش وقت الزلزال كنت نايم ياريت نعيده تاني».
وكتبت آلاء وحيد: «محستش بالزلزال عشان الجامد مبيتهزش».
وقالت سمر محمود: «أنا محستش بالزلزال الله يسامحه أخويا اتصل بيا صحاني من أحلى نومه وقالي حسيتي بزلزل قولتله لا قالي خلاص كملي نوم ومن ساعتها وأنا حاسة إن السرير بيتحرك».
زلزال سوشيال
