الطفلة المختطفة بالسلام :« أخدني بيت أهله وحاول الاعتداء عليا وقلعني هدومي»

حصلت " الدستور" علي نص أقوال الطفلة المجني عليها في واقعة اتهام عامل باختطافها وهتك عرضها بمنطقة السلام، في القضية رقم 15620 لسنة 2020 جنايات السلام ثان المقيدة برقم 3255 لسنة 2020 کلی شرق القاهرة.

- أقوال المجني عليها

وجاء بأقوال المجني عليها (س.ص) 15 سنة، طالبة، امام النيابة العامة خلال التحقيقات، "اللى حصل أن من حوالي قبل العيد الصغير اللي فات انا و كان معايا اتنين صحباتي، و کنا نازلين نشتري هدوم العيد و ساعتها كان الولد ده ماشي ورانا في اي مكان كنا بنروحه و عند محل معين انا كنت واقفة بتفرج على الفاترينة بره المحل، و صحابي دخلوه المحل جوة و لاقيته هو جه وقف قدامي و حاول يكلمني و كان بيبصلي و يضحك ولما صحابي خرجوا و مشينا فضل هو ماشي ورانا بردو، لحد منطقة المفارق و هناك كل واحدة فينا مشيت من طريق وانا كنت مروحة فضل هو ماشي ورايا لحد ما وصلت عند البيت، و هو عرفه و بقي يجيلي كل يوم يقف قدام البلكونة و يحاول يكلمني ".

- حرضها على الهرب وهددها بالقتل

واضافت خلال اقوالها، “ماكنتش بكلمه خالص و جه يوم الاتنين اللي فات قدام البلكونة و انا كنت بنشر الغسيل قالي ادخلي لمي هدومك و تعالي معايا ولو معملتيش كده انا هقتلك و اقتل اخوكي قدامك، و فأنا خفت اوي منه و دخلت كانت امي نايمة و ابويا كان في الورشة بتاعته، و دخلت لميت الهدوم و طلعتله و كان ماسك حاجة بتلمع في ایده مش عارفة كانت سكينة ولا مطواه، و ركبني "التوكتوك” بتاعه و قعد يلف بيا شوية في الشارع لحد ما الفجر اذن".

وتابعت الطفلة : "و اخدني عند البيت بتاعه و قالي خليكي واقفة هنا قدام الباب تحت لحد ما يجرش التوك توك و ييجي، و راح فعلا وجه تاني و قالي اطلعي فوق و كان ماسك الحاجة اللي بتلمع دي في ایده و طلعني بالعافية و قالي لو فتحتي بقك هقتلك، و دخلنا الشقة بتاعته و كانت في واحدة موجودة في الشقة عرفت بعدها انها امه و كان اخوه کمان موجود، و دخلني اوضة فاضية و قفل الباب و شد مني الشنطة اللي كان الهدوم اللي فيها هدومي و الايد بتاعتها انقطعت".

- محاولة هتك عرضها

واشارت خلال التحقيقات : "و قالي اقلعي هدومك قلت له لا مش هقلع قام مقلعني بالعافية كل الي كنت لابساها و هو كمان قلع كل هدومه وانا كنت عمالة اقاوم و اصوت، لحد ما اخوه صحي فقالي اسكتي خلاص انا مش هعمل حاجة و قام قعد في الاوضة معايا على السرير، و كان كل شوية بيلف سيجارة معرفش فيها ايه و كان معاه كباية فيها حديدة و كان بيحط فيها حاجة بني و يشمها و ساعتها قمت و لیست هدومي و هو فضل قاعد".

واوضحت: " و بعد ما أخوه نزل قام و قعد يحضن فيا و أنا قعدت ازقه و اقاومه و عضيته من رقبته، قام زقنی و بعدها بشوية والدته جت و هو قام لبس هدومه و نزل و انا فضلت قاعده لوحدي في الاوضة لحد ما سمعت امه و هي بتكلمه في الموبيل و هو بيقولها مشيها علشان اهلها قالبين الدنيا عليها، قامت هي قالتلي يلا قومي امشي و نزلت معايا و ركبتني توك توك و انا ساعتها قلت للسواق وديني منطقة المفارق و هناك لاقيت مش معايا فلوس قمت مكلمة اخو واحده صاحبتي كنت حافظة رقمه علشان كنت بكلم صاحبتي على الموبيل بتاعه، و قولتله تعالي انا في المفارق و مش معايا فلوس احاسب التوكتوك فهو جه و حاسب التوكتوك و قالی خليكي واقفة هنا و انا هروح اجيب التوكتوك بتاعي و اجيلك تاني ".

واستطردت المجني عليها : و فعلا راح وجه وكان معاه الشرطة و واحد  جارنا و اخدوني و راحوا على القسم و هناك لاقيت بابا و ماما و اخدوني و روحوا ولما سألوني ايه اللي حصل انا خفت اتكلم في القسم و بعد ما روحنا بنت عمتي اخدتني علشان تحميني في الحمام و لقت فيه علامات في جسمي حمرا راحت قالت لبابا ".

 - تقديم البلاغ

ولفتت خلال اقوالها: و ابويا اخدني تاني و راح بيا على القسم و حكي اللي هو شافه للضابط وقام وخدني و رايح على المستشفى و هناك الدكتور کشف عليا وقال لاهلي اني لسه بنت و بعدين مشينا و روحنا و انا نمت ساعتين و بعدين ابويا اخدني و روحنا على القسم تاني للضابط و هناك حكيت للضابط كل اللي حصل معايا و اخدني علشان نوصل للمكان اللي حصل فيه الموضوع بس احنا كنا بالنهار و انا لما روحت كانت الدنيا ليل فمعرفتش أوصل و استنيت لحد ما الليل جه و روحت انا و بنت عمتي ندور على المكان و كان ابويا ماشي ورانا علشان ماحدش يشك في حاجة و فعلا عرفنا نوصل و لاقيت اخوه واقف على باب العمارة و قلت لابويا و راح مسکه و کلم الضابط جه احده و کلم عفيفي ده و قاله انت فين قاله انا في ميدان اسكندرية و في واحده من جيرانه اخدت الموبيل و كلمته و اقنعته ازاي يجي على القسم و فعلا جه و اخدوه على الحجز و هو ده كل اللي حصل بالضبط".

 أحالت النيابة العامة بشرق القاهرة، عامل، للمحاكمة أمام الجنايات بتهمه اختطاف طفلة وهتك عرضها بمنطقة السلام، في القضية رقم 15620 لسنة 2020 جنايات السلام ثان و المقيدة برقم 3255 لسنة 2020 کلي شرق القاهرة.

وجاء في قرار الإحالة انه بعد الاطلاع على الأوراق وما تم فيها من تحقيقات، تتهم النيابة العامة  (ع. س)، 23 سنة، عامل مقيم السلام ثان "محبوس" لأنه في يوم 6 يوليو2020، بدائرة قسم شرطة السلام ثان، محافظة القاهرة، خطف المجني عليها الطفلة  (س. ص) بالتحيل بأن أوهمها بالزواج منها و اصطحبها لمسكنه قاطعا صلتها بذويها.

- تفاصيل الواقعة

وأضاف قرار الإحالة انه وقد اقترنت تلك الجناية بجاية هتك عرض المجني عليها اذ انه في ذات الزمان والمكان هتك عرض المجني عليها بأن حسر عنها ملابسها و استطالت يده مواطن العفة بجسدها.

وأشار قرار الإحالة انه بذلك يكون المتهم قد ارتكب الجناية المؤثمة بالمادة 1/269، 289 من قانون العقوبات والمادة 116 مکرر من القانون رقم 13 لسنة 1999 المعدل بالقانون رقم 126 لسنة 2008 بشأن الطفل.