تسجيل صوتي.. خيرت الشاطر يفضح أبوالفتوح ويكشف مرض مرسي

عرض برنامج "الكبسولة"، تسجيلًا صوتيًا جديدًا للقيادي الإخواني خيرت الشاطر، يفضح فيه عبدالمنعم أبو الفتوح.

وقال خيرت الشاطر خلال التسجيل المعروض في برنامج "الكبسولة"، مع الإعلامية أماني الخياط، والمُذاع عبر فضائية "إكسترا نيوز": "هو حصل شوية أخطاء من عبدالمنعم في آخر 10 أيام في حملته الانتخابية وبرامجه التي ظهر فيها ألحقت به ضرر وهما قروا ده بسرعة، فبدأوا ينزلوا ناس توجه الناس بتاعتوا لحملة حمدين".

وأضاف: "لما طلع مع عمرو موسى مقدمش نفسه كرئيس دولة، وقف حملة ردح لعمرو وعمرو يردحله، يعني ده عمال يغلط في ده وده يغلط في ده، وده يشتم وده يشتم فالإثنين خسروا جزء من ناس عمرو راحوا لشفيق فنزلوا هو لما عمل كده برضو مثلا اتكلم بشكل غير مناسب على مرض باقية المرشحين التانيين يعني المرشح اللي عمل عملية في دماغه".

وأكد أن محمد مرسي، كان يعاني من مرض معروف طبيًا باسم "الورم السحائي".

وتابع: "هو ورم حميد يأتي في الغشاء المغلف للمخ تحت الجمجمة على طول وناس كثير بيحصلها هنا في مصر بنسبة معينة، ويتم إزالته بطرق مختلفة من ضمنها المنظار، وكان يعاني منه من سنين طويلة".

وتابع: "أي مرشح للرئاسة لابد أن يقدم إقرارًا صحيًا، وعبدالمنعم عندما كان معانا في السجون كان دايمًا تجيله أزمات قلبية ويروح المستشفى 6 أو 7 شهور من فترة الحبس في الرعاية المركزة والتقارير دي كلها موجودة وكانت مكتوبة إعلاميًا، فطبعا ما يصحش انت بالذات تفتح موضوع زي كده".