الرئيس السيسى ردًا على المشككين: «كل الملفات كانت محتاجة شغل ومكنش عندنا سوء تقدير»

رد الرئيس السيسي عن المشككين في ترتيب أولويات الدولة في العمل، مؤكدًا أن كل الملفات كانت بحاجة إلى جهد وعمل، قائلًا: "مكنش ينفع أقول أولويات واشتغل في حاجة وأسيب حاجة".

وقال خلال كلمته باحتفالية عيد الشرطة الـ 71: "كل الملفات كانت محتاجة شغل عشان تقدر الدولة تجابه مستقبلها".

وأضاف على خلفية الانتقادات الموجهة لمشروعات الدولة بالطرق: "بلف في الشوارع كتير لوحدي وبقول لو ده متعملش الناس كانت هتمشي إزاي".

وتابع: «مش بس القاهرة والإسكندرية، بتكلم على الدولة المصرية كلها، مكنش عندنا سوء تقدير في الموضوع، بس خلوا بالكم حجم وقدرة الدولة المصرية قد إيه عشان يتعمل كل ده خلال 7 سنوات، وهذا يعد عبئًا كبيرًا وضخمًا».

وأشار إلى أن ماتم تنفيذه كان عبئا ضخما على الدولة المصرية، قائلًا: «اللي اتعمل على مدار 7 سنين، لو فكرنا نعمله النهاردة او السنين الجاية هيكلفنا 4 أضعاف او 5 بدون مبالغة».

ويحضر الرئيس عبدالفتاح السيسي حفل عيد الشرطة الـ71، ويرافقه وزير الداخلية اللواء محمود توفيق وعدد من الوزراء والشخصيات العامة والرموز الوطنية وقيادات وزارة الداخلية، بأكاديمية الشرطة.