شاهد .. أمير طعيمة يوجه رسالة قاسية لـ "شريف إكرامى"

انتقد الشاعر أمير طعيمة، أسلوب حارس مرمى النادي الأهلي، وما صرح به خلال الأيام الماضية، حينما قال "أنه حارس مصر الأول"، وهو ما أثار إستياء طعيمة .

وكتب طعيمة عبر صفحته على "فيس بوك"، تدوينة استنكر من خلالها ما صرحه قائلاً "شريف اكرامي من كام يوم طلع تصريح انه حارس مصر الأول و دي مش أول مرة، شريف الوحيد اللي شايف كده وحتي الأهلاوية نفسهم مش شايفين كده، بدل ما يركز في مستواه و يرفع منه بيتعامل بتعالي مش عارف جابه منين، لافتا الى ان بوفون و كاسياس و نوير و غيرهم عمرهم ما قالوا انا الحارس الأول" .

وحث طعيمة شريف إكرامى قائلاً "واجه نفسك وإعرف أن في مصر حراس مرمي كتير أفضل منك، و حارس مرمي الزمالك الإحتياطي مستواه ثابت عنك، علي مر العصور كان حارس الأهلي بيبقي رقم واحد في افريقيا من أيام ثابت وإكرامي مرورا بشوبير وصولا للحضري، موضحاً أن الحضري صاحب الـ ٤٣عام لسه بيتدرب بمنتهي الجد ومحافظ علي مستواه ورجع للمنتخب في سابقة هيذكرها في التاريخ، محدش فيهم عايرنا بانقاذاته ولاعدد بطولاته واشتغلوا علي نفسهم و بقوا من أساطير كرة القدم" .

وتابع طعيمة "ركز يا رقم 1 في مستواك و سيب الجمهور هو اللي يقول الكلام ده و لو انت اصلا رقم ١ المفروض ما تقولش كده فما بالك لما تبقي مش علي خريطة الحراس الأفضل في مصر" .

وإختتم حديثه قائلاً "للمرة الألف انا لا أهلاوي و لا زملكاوي بس أكيد اتحرق دمي لأن الأهلي كان بيلعب بإسم مصر و لو ده ماتش في الدوري المصري الهزيل مكنتش علقت أصلاً" .