بالفيديو.. أهالي "عقار الشرقية" يهاجمون أحمد زكي بدر

عرض الإعلامي وائل الإبراشي، في برنامج "العاشرة مساءً"، المُذاع على فضائية "دريم"، مقطع فيديو لهجوم أهالي منطقة العقار المُنهار بمينا القمح بالشرقية على أحمد زكي بدر، وزير التنمية المحلية.

حيث هاجم الأهالي "بدر" قائلين، "حسبي الله ونعم الوكيل حتى مش عاوزين تسيبوا الأهالي يشيلوا الناس من تحت الأنقاض، والناس اللي بيتها وقع والبيوت اللي أخلوها سكانها هيروحوا فين؟".

ورد "بدر"، "المعدات شغالة وباقي المعدات جايه هنعمل إيه؟، والناس تقعد في مكانها لحد ما نشوف هيحصل ايه، البيت هيترمم ولا هيتشال، والمحافظ موجود هنا من إمبارح ومغادرش العقار، واللي حصل ممكن تقصير من الأحياء لكن هناك تقصير أكبر من اللي بيخالف".

وقال أحد المواطنين "يا سيادة الوزير كله بيضحك على كله، وبتقول ممكن يكون في فساد، إحنا عندنا استعداد ندخل تحت التراب ونشيل الناس".