شاهد.. حرب المزايدات تشتعل.. "خالد صلاح" ينشر فيديو لـ "أديب" يهاجم قوات الأمن بعد تهديده بفضح "القديم"
استمرارًا للمعركة الإعلامية الشرسة التي بدأت أمس بين رئيس تحرير اليوم السابع خالد صلاح، والإعلامي عمرو أديب مقدم برنامج "القاهرة اليوم" المذاع على فضائية "اليوم"، نشر الإعلامي خالد صلاح عبر حسابه على موقع تويتر فيديو للإعلامي عمرو أديب، وهو يهاجم قوات الأمن المصرية بسبب حادث تفجير قسم ثاني العريش.
وقال صلاح في تغريدته تعليقًا على الفيديو: "عمرو أديب يهاجم الأمن وينتقد الثغرات الأمنية، ويطالب بالتحقيق في تسلل السيارات المفخخة بعد انفجار قسم ثاني العريش".
كان "أديب" قد هاجم خالد صلاح خلال مداخلة الأخير الهاتفية مع برنامج "القاهرة اليوم" المذاع على فضائية اليوم، قائلًا: "منزل مقال تنتقد فيه، طيب استنى لبكره، والصورة اللي نازلة مع الموقع وأنت بتضحك، حتى الموقع بتاعك معندهمش إحساس بالمسئولية ومنزلين ليك صورة وإنت بتضحك".
ورد عليه "صلاح" قائلًا: "أن كل دول العالم تنتقد التقصير الأمني بعد وقوع عمليات إرهابية، وفي فرنسا بعد الحادث الإرهابي في اليوم التالي انتقدوا الأمن وتحدثوا عن التقصير، وأديني مساحة أرد لإني كان ممكن أرد في مكان تاني، الهوا بتاعك وأنا من حقي أرد، وأنت مش هتزايد على وطنيتي".
ليقول "أديب" منفعلًا: "مش في ليلتها يا أخي، ورد في مكان تاني يا خالد، دي صورة تنزلك في الموقع".
وقال "صلاح": "ما نزايدش على بعض يا عمرو، والخناقة متبقاش بينا، وأديني حقي في الرد لإن أنت اتكلمت عليا، وده حقي قانونيا ومهنيًا"، ليهاجمه "أديب" قائلًا: "أنت عامل خناقة بينك وبين الشرطة والجيش والبلد، وأنت مش داخل الهوا بمزاجك".
وفي رد فعل من، قال صلاح منفعلًا "كده هفهمك غلط، أنا دخلت عشان بحترم البرنامج، الانتقاد اللي وجهته صحيح وتصورك إن البلاد اللي بيحصل فيها عمليات إرهابية مفيهاش نقد تبقى واهم، والمقال بيعالج ثغرتنا مش بيأذي حد".
واستمر أديب في هجومه قائلًا: "أنت لا تقيمني، شوف الصورة لما تعرف تنزل صورة صح مع الخبر بتاعك، ناس ميتة وأنت بتضحك، اعرف يعني إيه مهنية "؛ ليرد عليه "صلاح" منفعلًا: "ده تجاوز يا عمرو وخروج عن الأدب، دي قلة أدب غير مقبولة"، فقال "أديب" "أنا مؤدب، تقبلها ولا متقبلهاش، روح بص على الموقع يا راجل بلا قرف تعبنا بقى حرام عليكم".
لينفعل عليه "صلاح"، قائلًا: "مش إنت اللي تزايد عليا يا عمرو أنت أكتر واحد عندك أخطاء، متخلنيش أقول كده، وممكن أطلع أخطائك واحدة واحدة يا حبيبي وعندك بلاوي سودا".
ليهدده "أديب" قائلًا: "بلاش بدل ما نتكلم عن علاقتك بخيرت الشاطر ونطلع القديم".
