أخبار امتحان الفيزياء اليوم.. طلاب وأولياء أمور: أين الرأفة بنا

قال والدة أحد طلاب الثانوية العامة شعبة علمي تدعى نهلة الهادي: «الامتحان كله تريكات مفيش سؤال فعلا مباشر يمكن مثلا ثلاث أسئلة في النظري سهلين وباقي الأسئلة صعبة.. مادام ظروف استثنائية كان المفروض يكون في رأفة حتى السنوات العادية كان في رأفة عن كده».

و‎قال طالب يدعى أحمد محمد: «الامتحان كله غير مباشر ماعدا كام سؤال بس والوقت قصير على الأسئلة ومش في مستوى الطالب المتوسط زي ما بيقولوا وفي حاجات كتير أول مرة نشوفها.. مفيش مراعاة للظرف الاستثنائي زي ما وعدونا.. الأسئلة كتير وكلها تريكات.. إلا بس سؤالين ثلاثة كويسين.. الرسمة أول مرة نشوفها، مش كفاية الـbiology اللي كنا معتمدين نلم منه درجات تأمننا من غدر الـchemistry والـphysics خدعونا فيه».

‎وتقول ولية أمر أخرى: «أنا شايفة أن الامتحانات استثنائية فعلا بس من صعوبتها وعدم ملائمتها للواقع اللي احنا والطلبة عايشينه حرام بجد احنا بنتكلم علي طلبة كمان شاطرين وبيذاكروا ويعملو اللي عليهم مش طلبه مهملين أو مش بيذاكرو. املنا ترحموهم وترحمونا في التصحيح».