شاهد.. أحمد حلمي يوضح حقيقة سخريته من سيارات محمد رمضان

رد الفنان أحمد حلمي، على ما نشرته بعض المواقع الإخبارية بشأن تعليقه الساخر على ما نشره الفنان محمد رمضان على صفحته الرسمية بموقع فيس بوك، عن شراءه سيارتين بمبلغ 15 مليون جنيه.

وقال تعليق له على صفحته الرسمية بموقع التواصل فيس بوك " اعزائي الكرام .. توضيح بسيط وسريع بخصوص ما حدث بعد نشر الصوره بتاعتي وانا راكب العربيه الميني القديمه اللي كانت معايا في فيلم ظرف طارق، و اللي الناس فهمت انها بغرض اني بوجهه رساله لزميلي الفنان "محمد رمضان" وهذا ما احزني كثيرا.

وأضاف حلمي " يا جماعه انا لو عايز اوجه رسالة لأي حد اعرفه كويس أو حتي معرفوش مش هاعمل كده علي مواقع التواصل الاجتماعي، لاني عمري ما عملت كده ابدا لاني ببساطه ممكن ابعتله رساله علي موبيله او هاكلمه في التليفون .

واستطرد "أما الكلام اللي كان مكتوب تحت الصوره اللي كتير من الناس معرفش ازااااااااي بجد فسروه بالطريقة دي مع انه فعلا مايخصش حد خالص غير واحد صاحبي هو الوحيد اللي هايفهمه لاني قايله بسبب موقف طريف حصل معانا وليه علاقه بالعربيه الميني.. علشان كده نهيت الكلام المكتوب بـ " ده كلام في سرك ..... ششش".

وختم تعليقه قائلا " زميلي العزيز محمد رمضان ربنا معاك ويوفقك دايما و تحقق كل اللي نفسك فيه في حياتك الفنية.