شاهد.. "تليمة" ساخرًا من بيضة المحافظ: إحنا بنغرق فى بحر التخلف والجهل
سخر الإعلامى خالد تليمة، من إهداء مدير محطة دواجن "شوشة" الدكتور مدحت عبدالوهاب، بيضة منقوش عليها لفظ الجلالة لمحافظ المنيا اللواء طارق نصر.
وقال تليمة، خلال برنامجه "صباح اون" المُذاع على فضائية "اون تى فى": "أي مخرج أفلام لو عاوز يوصل لفكرة يسخر بيها من المجتمع مش هييجي لعقله الفكرة دي".
وتابع: "أقسم بالله احنا بنغرق فى بحر من التخلف والجهل، محافظ بيضيّع وقته عشان ياخذ بيضة، وتقولولى شلنا الإخوان؟ مين جاب الناس دي؟ وشاف تاريخها، إيه الخيال والتهريج اللى احنا فيه دة؟".
وواصل: "المحافظة بتطلع بيان رسمي بالبيضة، والله مش عارف أقول أيه، الاأخبار دي لما بشوفها مش بعرف أعلق عليها".
ويذكر أن مدير محطة دواجن شوشة الدكتور مدحت عبدالوهاب، قام بإهداء بيضة للواء طارق نصر محافظ المنيا، أثناء زيارته للمحطة، ووافق المحافظ على قبولها .
وقال الدكتور مدحت عبدالوهاب مدير محطة دواجن شوشة بمحافظة المنيا، إن البيضة منقوش عليها "لفظ الجلالة"، موضحا أنه اكتشفها أثناء عملية الفحص والمتابعة التي يقوم بها دوريا لإنتاج المحطة.
