تامر حسني يوضح سر اختيارهم أصوات "ذا فويس كيدز" وظهورهم بملابس مكررة
نشر الإعلامي اللبناني جمال فياض، رسالة للفنان المصري تامر حسني، أوضح فيها سر تخليه عن المتسابق المصري لؤي وغيره من الأصوات القوية، وسبب ظهورهم بملابس موحدة منذ عرض البرنامج.
تامر حسني، قال في رسالته: "أسئلة كتير بسمعها بقالي فتره كنت متخيل إن كل متابعين البرنامج يعلم إجابتها بسبب إن البرنامج بيتعرض منذ سنوات وقواعده معروفه للجميع ولكن فوجئت بأن في ناس كتير مش مُلمّه بالقواعد فاسمحولي اشرح بعض النقاط الهامة".
أولا .. المدربين بيفضلوا بنفس الملابس في مرحلة الصوت وبس عشان استخدام المونتاج بيعمل تناسب وتناغم في روح الحلقات من مواقف جادة ومؤثرة ومواقف مرحه يعني الترتيب اللي بتشوفوه مش ده خالص ترتيب صعود المواهب على المسرح، بمعنى أدق إحنا سمعنا أصوات زي علي ورفاقه وأختارناهم قبل ما نسمع صوت لؤي لكن اللي ظهر العكس وفي حالة اختيار لؤي لكان أتحرم بعده ٢٠ صوت من لحظة الصعود على المسرح لأن كل مدرب كان له صوت واحد فقط فقررنا الانتظار لمنح فرصة الصعود على المسرح لباقي المواهب ولكن ده ترتيب المخرج لإظهار الحلقة بالشكل المتبع عليه عالمياً".
ثانياً .. ساعات تحسوا إننا اخترنا مواهب قوية جدًا وبعدها اختارنا مواهب مش على قدر المستوى ده عشان في بداية التصوير والترتيب الفعلي في أول الأيام وجدنا أصوات طفولية جميلة فتفاعلنا معها واخترناها على أمل إنهم أجمل الأصوات ولم نتوقع ضخامة المواهب الأخرى لأن بالفعل وبالتأكيد ستشاركوني نفس الرأي إننا جميعاً في حالة من المفاجأة ولم نتوقع كل هذه القدرات الفائقة من أطفالنا و إن لسه في أصوات أقوى بكثير سوف تظهر ولكن المونتاج يظهر الحلقات بترتيب آخر وأنت بتتفرج تقول ازاي مختاروش ده واختاروا ده بخلاف إن بالفعل كل مدرب عنده خطة وسياسة في شغله ومدرسة خاصة بيختار منها يعني في أصوات فائقة الجمال اخترناها يستحسن مانخترش زيها وخصوصاً لو كانت نفس المدرسة الغنائية ماتنسوش بقى حاجه مهمة انكوا شايفين المواهب وهي بتغني إنما إحنا لا فالحالة العاطفية بتكتمل نفسياً عندكوا قبلنا ودي صعوبة الفكرة علينا ونهاركم أبيض إن شاء الله".
