أبلة فاهيتا تصدر بيانًا جديدًا حول مراسلها بطل فيديو الواقي الذكري

نشر حساب "أبلة فاهيتا"، على شبكة التواصل الاجتماعي "فيس بوك"، بيانا جديدا، يحمل عددا من الرسائل، لمراسل برنامجها شادي حسين، ولرجال الأمن، ولحرية التعبير، والذي يعد البيان الثاني بعد واقعة إهانة الشرطة، خلال ذكرى ثورة 25 يناير.

وذكر بيان أبلة فاهيتا: "عزيزي شادي إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل. أنا متأكده إنك ما تقصدش غير إنك تعبر عن رأيك.. إنت شاب والشباب لما بيحبط بيلوش.. قلبي عندك وحضنك عندي".

وقالت: "عزيزي العسكري الغلبان: حقك علينا، إنت على راسنا من فوق طول ما إنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش ده شباب محبط وتقلها في الهزار. عزيزي الشعب: أحضن نفسك، إنت مالكش غيرك، وعزيزتي حرية التعبير: متكاتفة معاكي ومش ناوية أسيبك، ده إنتي برضك يتيمة زي كارو".

وختمت بيانها قائلة: "أعزائي حبايبي وأعدائي: حقكم تاخدوا على خاطركم مني، البيان اللي نزل الأسبوع اللي فات كان صدمة ليا قبل ما يكون صدمة ليكوا.. كنت فاكرة إني الأقوى وكلمتي هي اللي هتمشي، لكن طلع فيه الأقوى.. أنا ست حرة ومابخافش ومش هاعيش غير حرة.. بيقولولي يا أبلة كان باين إنه مش كلامك، خليكي ساكتة وبكرة الناس هتنسى.. قولتلهم المهم أنا إمتى هانسى".