شاهد.. طريقة أبلة فاهيتا لدعم السياحة بعد حادث "الطائرة الروسية"
أطلقت أبلة فاهيتا حملة "والنبي لنكيد العُزال" وهاشتاج "سايحين في بلدنا" لدعم وتنشيط السياحة المصرية بعد حادث سقوط الطائرة الروسية، التي أعقبها قرار بعض الدول الأوروبية بتعليق رحلاتها إلى شرم الشيخ على خلفية بعض التكهنات التي خرجت عن إمكانية أن يكون سقوط الطائرة بسبب قنبلة.
وقالت أبلة فاهيتا خلال تقديم برنامجها "لايف من الدوبلكس" المذاع على فضائية "سي بي سي": "خلاص بقى زعلنا وهبشنا بعض واتهمنا بعض لكن دلوقتي لازم نقف مع بعض علشان البلد تقف وتحية كبيرة لبلدنا علشان نكيد العُزال".
وأضافت، "الطائرة وقعت من هنا وأخدت السياحة والدولار والعلاقات والسياسات في ديلها، ولكن الوقت حان وقت العمل ولابد من التفكير خارج الصندوق الأسود وطرح حلول واقعية".
واستطردت، "عايزين بقى نبطل نفكر في نظرية المؤامرة اللي بيغذيها الإعلام فينا، ومش عايزين نتكلم مع السياح اللي في شرم الشيخ .. لأ عايزين نفكر إزاي نكلم السياح اللي في بلادهم".
