جورج كلوني يشعل نار الغيرة بين نشوى مصطفى وزوجها

علقت الفنانة المصرية نشوى مصطفى، على تصريحات النجم العالمي جورج كلوني، حول طلاق زوجته والتي قال فيها: "إنها سيطلقها حتى يتزوجها مرة أخرى، وذلك بعد انتشار أول شائعة طلاق لعام 2015 والتي جاءت بحق جورج كلوني، وزوجته أمل علم الدين.
نشوى مصطفى قالت في تدوينه عبر صفحتها الشخصية بموقع "فيس بوك": "يا أخواتي الراجل إلي اسمه جورج كلوني ده جنسه إيه، الراجل أعلن أن الخطوة الأولى حيطلق الست أمل مراته، الخطوة الثانية حيرجع يتجوزها، وبعدين يطلقها تاني علشان يتجوزها ويفضل يطلقها كل ما يتجوزها علشان يفضل يثبت لها بالبرهان إنها حتفضل دايمًا اختياره وعشقه الوحيد، يا لهوي على دي رومانسية ودليل عشق حقيقي".
وأضافت: "قوم أنا أول ما قريت الخبر ده ومارست شوية حقد نسائي مشروع على الأخت أمل علم الدين التفت ناحية الأستاذ أبو عبد الرحمن كلوني، جوزي وقلت له شايف جورج بيعمل إيه لأمل، رد وقال لي قريب حاعمل زي جورج بس يا رب بعد الخطوة الأولى أفقد الذاكرة".

فردت عليها الإعلامية حنان شومان في تعليقها قائلة: "يلا بالسلامة يا نشوى قولي له من دلوقتي هو أنت مين وافقدي له ذاكرتك قبل أن يفعلها هو يعني ستي لئيمة وأنا الئم منها".
وقالت نشوى في تعليقها عليها: "يا حنونة أنت سيبك من إخوتنا في الله الكولونييات بتوعنا، هو الأخ جورج ده ماعندهوش أخوات بنات ماشي يطرطش فتنة إذا ماكنش بشكله المتنيل الأمور ده، يبقى بتصرفاته الرومانسية المهببة دي".

شومان ردت عليها قائلة: "يا نونا أوعي تصدقي وتزعلي ده كلام ممثلين في الجرايد وأنت عارفة يا أختي والنعمة تلاقيه بيمسيها ويصبحها بعلقة صبري روحك".