المشروعات التنموية فى عيون الشعب: "شوف الصورة كاملة أولًا"
![جريدة الدستور](images/no.jpg)
عبّر عدد من المواطنين عن آرائهم في المشروعات التنموية التي تنفذها الدولة المصرية في الجمهورية الجديدة، مثل العاصمة الإدارية، ومبادرة «حياة كريمة» وتطوير الريف المصري.
وقال مواطن: "مش عارف العاصمة الإدارية الجديدة لازمتها إيه؟"، ليرد عليه عامل بالعاصمة: "أومال أنا والناس اللي زيى هنشتغل في إيه، على الأقل حاجة بتفيد البلد أحسن من تطوير الأرياف".
ليرد مواطن ريفي قائلًا: "مستكتر علينا صرف صحي وشوية ميه نضيفة تدخل بيوتنا، مكانش عندنا مستشفيات ولا مدارس ولا مراكز شباب".
ليرد شاب آخر: "حياة كريمة يعني مستشفيات ومدارس ناس عاشت، إنما الطرق والكباري اللي بتتبني عمال على بطال دي مليارات بتضيع وأهي الدنيا عادي كانت ماشية".
ليرد عليه مواطن في المترو: "ماشية إيه بس يا عم، ده الواحد كان علشان يخرج من بيته يروح مشوار كان يخرج قبلها بـ3 أيام علشان يوصل في ميعاده إنما دلوقتي لا".
لترد امرأة أخرى: "إحنا كنا سبعة عايشين في أوضة، كنا بنخاف السقف يقع علينا في أي لحظة، بيوتنا أهم من محطات الكهرباء اللي بتتعمل".
ليقول آخر: "يا جماعة إنتوا نسيتوا الكهرباء كانت بتقطع قد إيه زمان، احمدوا ربنا بقى، كنا هنفتح مصانع تشغلنا إزاي من غير كهرباء".
وقال مواطن آخر: "المشكلة مش كهرباء ولا عشوائيات، المشكلة في الحملات اللي بيسموها مبادرات الصحة، فلوس بتتصرف على الهواء".
ليرد عليه شاب قائلًا: "هوا إيه بس يا حاج أنا أبويا كان عنده فيروس سي ولولا المبادرات اللي مش عجباك دي كان زمانه راح فيها، مش كانوا يصرفوا شوية على التعليم".
لترد أم مصرية: "إنت بتقول كده علشان معندكش أولاد، لو فضلنا نستنى على كل حاجة محدش هيتعلم".