"أنا والقناع".. جابر القرموطى: كنت هرمى نفسى فى النيل لما اتعينت بالأهرام
قال الإعلامي جابر القرموطي إنه لن يضع قناع الشكوى على وجهه، معقبًا: "خلاص، عشان ما أبوخش".
وأضاف جابر القرموطي، خلال لقائه الإعلامية منى عبدالوهاب عبر قضائية الحياة: "مبحبش الصعبنة، لكن مفيش مانع إنك تنهار في لحظة، وتقوم في لحظة، لكن ما تنهارش في لحظات وتقوم في لحظة".
وتابع: "بيتي أصدقائي، أهلي في البلد، هم الذين أثق فيهم، وكلهم طلعوا على قدر الثقة والعشم، أنا مبخت".
وأضاف: "الدنيا لا تؤخذ بمعيار واحد هنا معايير كثيرة حلوة أوي أوي، مثل الصحة والستر، وأنا مش عايز حاجة أكتر من كده، ومحبتي مع الناس ومحبة الناس لي".
وتابع: "من فترة قالولي فاضلك كم شهر وتنحال على المعاش، قالولي فاضلك أربع سنين، أخدت من الأهرام لمصر الجديدة مشي، رجعت لنفس اليوم اللي اتعينت فيه في الأهرام، أنا في اليوم اللي اتعينت فيه في الأهرام كنت شوية وهرمي نفسي في النيل من الفرحة".
