برنامج «أنا والقناع».. رضوى الشربينى: أنا عدوة لأشباه الرجال
حلت الفنانة والإعلامية رضوي الشربيني، ضيفاً علي برنامج "أنا والقناع"، مع الإعلامية منى عبدالوهاب، والمُذاع عبر فضائية "الحياة"، مساء اليوم الخميس، لتكشف عن عدد من كواليس حياته الشخصية والفنية.
وقالت "رضوي الشربيني": "الوش إللى بلبسه وأن حزينة زي أي وحدة ست بتبقي حزينة وتنهار أحياناً، وأن ما بسمحش لنفسي أنهار، وأن معظم الوقت متفائلة وراضية، وشايفة معظم الحاجات الوحشة فيها خير، عشان رب الخير مبيجبش غير الخير".
وأضافت: "أي حاجة بتحصل من سنين طويلة مهما كانت كارثية، ومهما كانت حزينة بقول خير، وأنا جيت في الدنيا بسبب راجل وهو أبويا وسندي في الدنيا راجل هو أخويا، وطليقي راجل محترم".
وأردفت: "أنا عدوة أشباه الرجال، ولست عدوة للراجل، اللى بيضرب مراته مينفعش يتقال عليه راجل، واللي بيشغل مراته بالسُخرة، وهو قاعد في بيته مش راجل، واللي بيعشم دي ودي بالجواز وما يوفيش مش راجل".
