برنامج «أنا والقناع».. خالد الصاوي: لو قضيتها مدرس هتأخر عن إيقاع الدنيا

حل الفنان الكبير خالد الصاوي، ضيفاً علي برنامج "أنا والقناع"، مع الإعلامية منى عبدالوهاب، والمُذاع عبر فضائية "الحياة"، مساء اليوم الأحد، ليكشف عن عدد من كواليس حياته الفنية والشخصية.

وقال "الصاوي": "التمثيل أكتر وجهة عندي، لأني كنت بحب  التمثيل بس بحس إنه مبيحبنيش، عايزه وهو مش عايزني، وعارف إني مليان عيوب ومش عارف أسيطر عليها".

وأضاف:" مع الوقت بكتشف إني لازم تبص لنفسك بصة ثانية، لأن إنت فنان، والناس بتحب حاجة معينة فيك، وأن صرف دم قلبي علي مسرحيات عشان أكتبها وأخرجها، بس حقيقي كل دول صرف عليهم التمثيل".

 وأردف: "تعدد مواهبي هو تعدد للأسلحة في مرحلة كان كده، ومرحلة ثانية كان كروت وبقت علاقتي بالحياة أفضل، أن مكنتش حاسس بالحقد والغضب، إني بقدم مشاريع ومحدش معبرني".

وتابع: "المرحلة الأخيرة في الـ10 سنين، في الخمسينات لازم يبقي عندك حاجة تقولها عشان في شباب متوقعين من الحكمة والمقولة، ومستنين الإضافة، بس لو قضيتها مدرس ده صح وده غلط مش بس هيبقي دمك تقيل، لا هتتأخر عند إيقاع الدنيا".