«كابيتانو مصر».. قصة أزمة «زياد» النفسية وكيف واجهتها الدكتورة رشا الجندى
قدم برنامج "كابيتانو مصر"، مساء اليوم الجمعة، جلسة نفسية للاعبين بعنوان "صندوق الفضفضة".
وخلال الجلسة لاحظت الدكتورة رشا الجندي، استشاري التربية النفسية لبرنامج "كابيتانو مصر"، تصرفات غير لائقة من لاعب يسمى "زياد"، وحاولت أن تحجم هذه الظاهرة من خلال عدد من المحاولات.
وقالت: "لاحظت في المحاضرة أن زياد ولد مشاغب بياخد كل حاجة ويحولها لهزار، أي كلام بنقوله حتى لو أي كلام بجدية، دايماً الناس في الحالات اللي زي زياد دي، علم النفس مدرسة بتقول تجاهله عشان هو بيعمل كده عشان يلفت الانتباه، فلما نتجاهله هو هيبقي للأحسن".
وتابعت: "حاولت معاه وإديته دور قيادي، بس المحاولة فشلت، وفضلت أن يكون في لقاء منفرد مع اللاعب يكون هو الحل".
وأردفت: "كان لازم أكتشف هو بيعمل كده ليه، في الجلسة قالي إن ده الطبيعي بتاعه، وهو حاسس وبيتأثر بيه، فهو عنده قناعة إنه لو اتضايق أو خده بجدية، الناس هيزيدوا في كلامهم، فبيحسس اللي حواليه إنه كلام مش مهم، فدا الولاد اللي بيحسوا بكده في السن ده، ممكن ميخطرش على بال الكبار، فكل حاجة لازم يبقى فيها تقدير بحاجة حلوة أو وحشة".
