الرئيس السيسى: «اللى قبلنا كانوا عايزين يعملوا بس مقدروش»
مازح الرئيس عبدالفتاح السيسي مجموعة من الشباب من محافظة سوهاج وهم طلبة في كليات الطب والعلوم والزراعة خلال افتتاحه عددا من المشروعات التنموية في محافظة سوهاج قائلاً: «أنا موقفكوا كتير مش كده»، ليرد عليه أحد الطلاب «إحنا مبسوطين مع حضرتك يا ريس»، ليعلق السيسي ضاحكاً: «وأنا هبسطكوا أكتر».
وقال الرئيس السيسي: «إحنا كنا بنتكلم نقول عندنا صرف صحي ولكن الصرف الصحي اللي موجود دا نسبته قد إيه 10% أو 13%.. يعني أنا أول ما بدأت الحكم سألت الدكتور مصطفى عندنا كام في المية من الصرف الصحي على مستوى الجمهورية».
وتساءل الرئيس السيسي: «هل اللي قبلنا ماكنش عندهم حلم يعملوا 100%؟ لا عندهم، عارفين أنا بقول كده ليه عشان تفكروا كويس قبل ما تطلعوا الكلمة من لسانكم لأن الكلمة هنتحاسب عليها قدام الناس وقدام التاريخ، وقبل كل دا قدام ربنا».
وتابع: «اللي قبلنا كانوا عايزين يعملوا بس مقدروش يعملوا».
