قصة لاعب بـ«كابيتانو مصر» يسترجع ذكريات أحمد الكاس

كشف كابتن أحمد الكاس، نجم منتخب مصر السابق، عن رؤيته للمواهب في "كابيتانو مصر" واللاعب الذي استرجع ذكرياته مع والده.

وقال خلال لقائه في ثاني حلقات برنامج "كابيتانو مصر" والمُذاع عبر فضائية "ON"، مساء اليوم الجمعة، "في ولد اسمه عبدالله كانت عيني عليه من البداية لاقيته بيلمس الكورة كويس وعنده رؤية وبعد ما أحرز هدف لاقيته بيطلع حاجة بس معرفش إيه هي ولقيته منهار شوية".

وذهب للاعب قائلًا: “عبدالله إيه الجون الجميل ده، بس إيه الحاجة اللي طلعتها من جيبك؟”، ليرد "صورة أبويا الله يرحمه كان نفسي يشوفني لاعيب كورة، كنت عايز أجيب جون عشان خاطر أبويا الله يرحمه وكنت نفسي أجيب الجون ده، عشان فعلاً وحشني جداً وأبوس الصورة".

وعقب أحمد الكاس: "عايز أقولكم يعني ده والد عبدالله، واللحظة اللي الولد طلع فيها صورة والده هي دي اللحظة اللي استرجعت فيها ذكريات والدي الله يرحمه وحسيت بالأبوة ساعتها".