مرتضى منصور يُحمل جماهير الزمالك مسئولية ضعف عروض الرعاية
![مرتضى منصور](images/no.jpg)
قال مرتضى منصور رئيس مجلس إدارة نادي الزمالك، إن جماهير الفريق الأبيض مقصرة في دعم لاعبيها خلال الفترة الماضية.
وأضاف منصور في تصريحات عبر قناة ناديه، اليوم الجمعة: «اقتربنا من التوصل لاتفاق مع الشركة الراعية في الساعات الماضية، بعد أن قررت رفع المقابل المادي كما أردنا».
وتابع رئيس الزمالك: «جمهور الزمالك السبب في موضوع الرعاية ده، لما بيتعمل استفتاء على السوشيال ميديا بيطلع لعيبة الأهلي 70 ألف، وأحسن لاعب في مصر اللي هو زيزو محدش بيصوتله».
وأوضح منصور: «أنتوا المسئولين في كل حاجة بتحصلنا، ما تخشوا على موقع الرابطة وطلعوا اللاعب بتاعكوا أحسن لاعب، والشركات الراعية بتاخد دا مؤشر للشعبية».
وأتم: «هناك اجتماعات خلال الساعات القادمة لحسم ملف الرعاية، وياريت جماهير الزمالك تدعم لاعبيها في الفترة المقبلة عشان دا هيفرق جدا معاهم».