الفنان أحمد فتحى: العيال كانوا بيضحكوا عليا وأنا صغير

قال الفنان أحمد فتحي إن أول مرة عملت فيها كنت في الصف الثاني الإعدادي، وعملت في نادي الترسانة لمدة يوم واحد في كافيتيريا، متابعا في ضحك: طبعا كانت شغلانة متعبة وهو يوم واحد واعتزلت.

وأضاف، خلال لقائه مع أمير كرارة ببرنامج "سهرانين" على قناة "أون" مساء اليوم الخميس: كنت وقتها تخين أوي وبتعب من أقل حاجة، لكن كنت عايز أشتغل زي أصحابي في الصيف، لكن مقدرتش.

وتابع الفنان: وقبل التمثيل اشتغلت مرة كمان على عربية كبدة، لما قالي صاحبي على قهوة تبعي وهحتاج قدامها عربية كبدة، لكن قعدت 3 أيام بس ومعمرتش فيها.. أنا راجل تعبان.

وكشف عن أنه في صغره كان مستكينا ومنكسرا وطيبا، معقبا: العيال كانوا بيضحكوا عليا وأنا صغير، ولكن لما كبرت في ثانوية عامة بقيت صايع.

وعن تفكيره في إنقاص وزنه قال: لا، طول عمري بحب الأكل والمحشي والبط.. مخسش أنا.