كوردون بلو الدجاج بحشو اللانشون والشيدر

كوردون بلو الدجاج بحشو اللانشون والشيدر

المقادير :

كيلو صدور فراخ مخلية

2 ثمرة فلفل رومي مفروم

ملعقة صغيرة قرفة

ملعقة كبيرة خل

1 كوب دقيق

2 بصلة كبيرة

3 ليمونات

ملح وفلفل

خلة الأسنان

2 بيضة

2 كوب بقسماط مطحون

كمية كبيرة من الزيت للقلي

طريقة التحضير:

للحشو :

1/ 8 كيلو لانشون

1/ 8 كيلو جبنة شيدر

1/ 8 كيلو زيتون مقطع

طريقة التحضير :

1- افرمي البصل كويس جداً واعصريه وخدي الميه بتاعته؛ لاستخدامها في التتبيلة.

2- ضعي ماء البصل في طبق غويط، ومعاه الملح والفلفل والخل وعصير الليمون والفلفل الرومي والقرفة، وقلّبيهم كويس مع بعض، وبكده تبقي حضّرتي التتبيلة.

3- حطّي صدور الفراخ في التتبيلة وسيبيهم لمدة ساعتين.

4- بعد ما الفراخ تتّبل، هنبدأ في حشو صدور الفراخ وكل اللي عليكِ إنك تفردي قطعة الفراخ، وتحطّي عليها شريحة من الجبن الشيدر، وشريحة لانشون، وقطعتان من الزيتون.

5- لفي صدور الفراخ على الحشو واقفليه كويس، واحكميها بغلق الجوانب المفتوحة بخلة الأسنان.

6- قلّبي صدور الفراخ الملفوفة في الدقيق وبعد كده حطيها في البيض، وبعدين غطيها بالبقسماط من كل الجوانب بعد ما تتبّليه بالملح والفلفل.

7- سخني الزيت على نار عالية وابدئي بوضع الكوردون في الزيت واحدة واحدة بحرص، ثم خففي النار حتى تتحمر على نار هادية، وقبل ما ترفعيها من الزيت، أرفعي درجة حرارة  النار لتكون مقرمشة .