ضابط ينتقد وزير الداخلية بقصيدة شعرية بعد وفاة 6 من أصدقائه
لم يتمالك الملازم أول سامح الصعيدي، الضابط بوزارة الداخلية، والذي لديه موهبة فذة غير ممكنة في الشعر والأدب، بعد أن ودع العديد من أصدقائه من ضباط وأفراد ومجندين الشرطة حماة هذا الوطن بعد استشهادهم على يد عناصر الإرهاب المجرمة، فزاد سخطه على وزير الداخلية، الذي شهدت الوزارة في عهده العديد من جرائم اغتيال الضباط الشرفاء الذين حملوا لواء الدفاع عن مصر وأمنها.
سامح شاب صعيدي بكى بحرقة شديدة على أصدقائه، الذي كان يتعاهد معهم على أن يقابلهم لرؤيتهم؛ لأنه لم يتقابل معهم منذ فترة، وقبل لقاء الرؤية بقليل إذ بهم يرحلون عن الدنيا للأبد.
الحزن الكبير الموجود داخل نفس هذا الضابط الشاب الذي يمتلك قدرة جبارة على أن يبكي من ينصت إليه في شعره، دفعته لكتابة قصيدة "مرسول إليك"، يصف فيها تقصير وزير الداخلية في حماية ضباطه.. تلك القصيدة اسمها مرسول إليك، وأرسلها لموقع الدستور الإلكتروني، واضعا مستقبله بين يدي الله لأنه لا يخاف إلا الله ولا يقف في ظهره أحد مثلما قال في قصيدته..
من ملازم أول "سامح الصعيدي" لوزير الداخلية.. مرسول إليك
"نص القصيدة"
مرسول إليك
من فوج عظيم قاعد يموت
وأنت جبان كلك سكوت
والظلم بيك
مرسول إليك
إن الوطن لو راح يخاف
دايما نشيله على الكتاف
ويهون عليك
كمان كمان
مرسول إليك
إنك كفيف وإنك عن حقي ضعيف
أبان أنا ف دور الخسيس
وتلعب على دور الشريف
واللعبة بأيديك
مرسول إليك
قوس قزح أنته أبوه
ألوان كتير وفيك تتوه
مرة مرسي أنته أيديه ومرة سيسيى نور عنيه
وأنته مكشوف حواليك
مرسول إليك
إنى مليت التحية
فى الفراق
أودع زميلى وبينا
مليون اتفاق
وباتفاق بينا وكمان وبالخناق
وبالأيمانات
والله العظيم وعلى الطلاق
أنته جبان وضعيف كمان
ومدير إدارة ف النفاق
ونفسي أقول شيء إليك
ارحل يا عم أبوس أيديك
مرسول إليك
من أم ضناها اتنسف
من بنت أبوها اتخطف..
من زوجة جوزها من حياتها.. اتحذف
امتى على دم أهلي تنكسف وتشوف عنيك
مرسول إليك
وقت النزال تصرخ.. تقدم
أقول أمين
مافيش سلاح.. تقول كفاح
أقول أمين
ويموت أمين ومينا وأحمد
وعلى شاشة عاهرة
ألاقيك تقول مكلين
حرام عليك
مرسول إليك
ان فرعون مين فرعنه
غير جبن ناس وان النمرود من نمرده
غير جبن ناس
وانى بقول
ليه الكلام
ده من الاساس
ماكنت اسكت..
طب كنت اعدى
ف كل الاحوال الوضع ضدى
وهكون مداس
راكع اليك
مرسول اليك
قل هو الله احد
ولا اخاف من احد
وإن تعالى الظلم يوما
ع الجميع والقطيع والولد
هى صاعقه او صيحه واحده
ولك ف القيامه حبل مجيد
من مسد
يهدى اليك
مرسول اليك
انى وحدى ايوه وحدى
وعايز تجازى جازينى وحدى
مافيش بيه واقف ف ضهرى
ايوه اعلنت بربى أنا التحدى
على معاليك
مرسول اليك
الشمس تشرق ع الحدود من شروقى
والدم يفرح يقوم ويرقص من عروقى
ملعون أبوك ياخوف ف يوم لوراح تهز البطل
مافيش حصا يهز حجر
ولا حجر يقدر ف يوم ينقل جبل
كفايه عك العبد لوزادت قيوده
راح يفك الكرسى راحل مش راح يدوم
مفيهاشى شك
دم شهيدي لو هان عليك تهون عليا
مفيهاشى شك قصر الكلام.. كله لك
.. كله ليك وهو فيك والرسالة مني
حبرها كله بدمي هاديها ليك كل سطورها
مرسول إليك
