منة فضالي توجه رسالة لمتابعيها: «أنا زهقت»
وجهت الفنانة منة فضالي عبر حسابها على موقع التواصل الاجتماعي "فيسبوك" رسالة شديدة اللهجة تجاه بعض متابعيها، حول فكرة سفرها.
وكتبت فضالي: "في ناس بعتالي تقولي ما أنتي بتسافري أهو ولا همك اللي بيحصل أحب أقولك إن الصورة دي الصيف اللي فات وأنا متحركتش من بيتي أبدًا، وحتي لو سافرت هو حرام يعني اللي بيسافر بيكون وحش ولا في دماغه".
وتابعت: "اللي بيسافر يمكن بيعمل كده لأنه مخنوق أو هربان من هم أو أي سبب ليه كده. وليه أنا بالذات اللي بتعملو معايا كده محدش يعلم أنا فيا إيه ممكن أتصور وأنزل صور وأنا مش سعيدة مش لازم نحكم على الناس ربنا وحده هو اللي يعلم بحالي".
واختتمت فضالي: "أنا بعدت عن كل حاجة وعن الناس لأني زهقت بجد أرجوكم بلاش كده. وشكرًا للي حيفهم كلامي صح لأن أغلبكم بيقولي انتي تنكه. واللي مضايق مني ممكن يشيل نفسه من عندي عادي جدًّا بمنتهي الأدب أشكركم".
