معجون الأسنان وورق المناديل ..22 اتفاقا اعقديه مع خطيبك
لو سألتى أي خبير علاقات زوجية عن الحاجات اللى لازم تناقشيها مع خطيبك قبل الجواز هيقولك "الفلوس، الجنس، و العيال". و لكن مع كامل احترامي لهؤلاء للخبراء ، اعتقد إنهم لازم يبصوا بصة على القايمة اللى أنا هكتبهالك دلوقتى. لازم يعرفوا الحاجات التى بتنرفز الزوج أو الزوجة بجد و تخليهم يخبطوا راسهم فى الحيط، زى مثلاً شعر دقن جوزك اللى سابه على الحوض بعد ما حلق، أو الأطباق اللى مرمية فى الحوض كدة.
علشان كدة بقى لازم كل خطيب و خطيبة يتناقشوا فى الحاجات دى قبل الجواز:
1.بكرة المناديل فى الحمام هيكون إتجاهها من فوق و لا من تحت؟
2. إيه نظامك فى تربية القطط، الكلاب، أو الاتنين فى البيت؟
3.هتقدر تاكل الفطار بس و تستنى لحد العشاء؟
4. تقدر تأكل البيتزا السقعة ؟
5.هل من المقبول إنى أفتح الهداية، و لا لازم أستنى لحد معاد العيد ميلاد الحقيقى؟
6.مقبول عندك إننا نسيب الاطباق طول الليل فى الحوض و لا لازم اغسلهم قبل ما انام؟
7.بالنسبة بقى لمعجون السنان لازم يكون بالغطاء بتاعه طول الوقت؟ والاهم لما تيجى تستخدمه هتجيبه من تحت و لا هتضغط عليه من فوق؟
8.الفوطة عندك ليها كام استخدام؟ يعنى بتستخدمها مرة واحدة بس و لا ممكن تستنى ليوم الغسيل؟
9.إيه نظامك مع الغسيل؟
10.بالنسبة بقى للسفر بتحب السفر البرى و لا الجوى؟
11.نوع مناديل الحمام اللى بتحبه إيه؟
12.الحاجة السقعة بقى، بيبسى ولا كوكاكولا؟
13.الحلويات بتاعة مولد النبى أو كحك العيد لازم تتاكل فى معادها؟
14.هتطفى التكيف بعد ما تخرج من الأوضة و لا هتسيبه شغال لوحده؟
15.أول المنبه ما يضرب هتصحى؟ و لا هتستنى يضرب كام مرة كمان؟
16.لما تتعب هتروح للدكتور على طول ولا هتطلب دواء من الصيدلية و خلاص؟
17.إيه هو مكان الريموت اللى لازم يكون موجود فيه على طول؟ أة مش هنفضل ندور يعنى.
18.ممكن يكون عندنا تليفزيون فى أوضة النوم؟
19.ينفع الهدوم تتحط فى أى مكان؟ و لا لازم فى مكانها؟
20.لازم نكتب قائمة بالخضار اللى إحنا محتاجينه؟ و لا لما نعدى على الخضرى هنعرف إيه اللى ناقصنا على طول؟ وهتعدي معايا عند الخضري ولا هروح لوحدي ؟
21.تظبيط السرير بقى، لازم يتظبط بعد ما نقوم، و لا ممكن يتساب علشان كدة كدة هنرجعله تانى؟
22.ممكن الحلاقة تكون فى أوضة المعيشة؟ و ممكن قص الضوافر بردو يكون فى أوضة المعيشة؟
كل اللى فوق دا طبعاً حاجات مهمة و ممكن تنرفز أى حد، علشان اتفقوا عليها أحسن قبل الجواز. اتفقتوا اتفقتوا خلاص .. أتجوزوا بقي .
