مجدي الهواري لـ ميريام فارس: لو طلبناكي في شغل هتجري وممكن تشتغلي بعشاء فرقتك

أعرب المخرج مجدي الهواري عن استياؤه الشديد ورفضه لاعتذار الفنانة اللبنانية ميريام فارس، مساء أمس، عن تصريحاتها المسيئة لمصر خلال المؤتمر الصحفي لمهرجان موازيين بالمغرب بأن متطلباتها المادية أصبحت ثقيلة على منظمي الحفلات بمصر.

وشارك "الهواري" منشور له عبر انستجرام، ردًا على اعتذار "ميريام" وعلق قائلًا: "مش مقبول، اعتذارك غير مقبول، مش علشان غلطتي لا، علشان إنتي خايبة، وتبحثين عن عذر والعذر أقبح، من عدم الطلب عليكي بس للأسف مش فاهمة إن المصرين والفنانين فاهمين الحركات دي وهما كمان اللي بدعوها، فأحسن إلعبي بعيد يا شاطرة".

وأضاف: "احنا مش قد أجرك، طب شوفي سبب تاني، احنا لو عايزينك في شغل حالا أقسم بالله هتيجي ماشية على رجليك علشان تشتغلي في مصر، إنتي بس مش لاقيه حجة قوية قولتي أسند على مصر الحيطة المايلة اللي فاكرين فنانينها ساكتين، طب محرومة انت وجيلك !".

واختتم قائلًا: "أجرك غالي علينا، في حين إنك ممكن تشتغلي بعشاء فرقتك.. ولا فرقتك كمان معظمها محترمة لأنهم معظمهم مصرين أيتها الفاشلة، نراك قريبًا في حفلة الحديقة الدولية".