ريهام سعيد تكشف تفاصيل تورط سما المصرى في قضية فتاة المول

كشفت الإعلاميه ريهام سعيد عن تفاصيل جديدة فيما يخص قضيه فتاة المول التي بدأت أحداثها منذ ثلاث سنوات تقريبا.

ونشرت "سعيد" على صفحتها الشخصية على موقع التواصل الاجتماعي "فيس بوك" صورة لتعليق سما المصرى علي أحد متابعيها وكتبت سعيد عليها "بقالي ٤ سنين الناس ظالماني وعارفه اني لو قلت محدش هايصدق وانتي انهارده جيتي نصفتيني.

وأضافت: "اعترفتي ادام كل الناس ان انتي اللي زقيتي عليه فتاه المول وعملتوا مقلب الصور عشان تاخدوا 2 مليون جنيه انتي مليون وهي مليون شقايا وتعبي ايوه دم قلبي ومش مسامحه فيه، فكره اني قعدت تحت رجليكي محصلش انتي الي كنتي جايه هاتموتي علي الفلوس وكله متصور، متشكره ان اخيرا الناس هاتعرف انتوا عملتوا فيه ايه واتظلمت ازاي انا عمري ما اذيت نمله، اخيرا مصر كلها هاتعرف الحقيقه، نصيحه اتقي الله عشان اخرتك وحشه اوي اوي، ذرهم يخوضوا ويلعبوا حتي يلاقوا يومهم الذي يوعدون. صدق الله العظيم. في كل صلاه هادعي عليكي وعليها. حسبي الله ونعم الوكيل من قلبي "

وكانت سما قد ردت علي أحد التعليقات الفانز لديها علي موقع تبادل الصور "انستجرام" واعترفت فيه بأنها قد حصلت علي أموال من ريهام من أجل إنهاء الموضوع.