أحمد العوضى: ماكنتش موافق إنى أتخان فى "نصيبى وقسمتك 2"

كشف الفنان أحمد العوضي تفاصيل مشاركته في مسلسل "نصيبي وقسمتك" الجزء الثاني ورؤيته الشخصية في دور "زياد" التي قدمها ضمن أحداث المسلسل.

وقال "العوضي" أثناء استضافته في برنامج "معكم منى الشاذلي": "أنا كنت ضد نفسي لإن زياد كان بيعمل حاجات مفيش حد بيعملها.. كل شوية يقول لصاحة تعلالي البيت..انا شرقي شوية ومش متحرر في حياتي، وانا ماكنتش أعرف اني هموت في النهاية".

وتابع: "أول ما جالي الدور ماكنتش موافق.. عمرو كلمني قال انت هتعمل حدوتة معانا في نصيبي وقسمتك وافقت واما جالي الاسكريبت عجبني دور كريم.. فعمرو قالي انت هتعمل زياد.. قولتله لا مطلعش أنا أتخان فقالي يعني ايه ماتتخانش.. قولتله مش حاسس نفسي وده غلط أنا اخدتها على نفسي وعمر أقنعني لان عمر ما حد يتوقع الشخصية.. وعمرى ما كنت أتوقع النجاح الكبير اللي حصل ده".