سكان مثلث ماسبيرو: «السيسى كرمنا وهننتخبه علشان خاطر مصر»
أفواج متتالية جاءت من حى الأسمرات فى عربات وفرها لهم عدد من المتطوعين بمنطقة بولاق أبوالعلا،
إنهم سكان مثلث ماسبيرو الذين تم نقلهم إلى حى الأسمرات.
وجاءوا رافعين أعلام مصر، يهتفون باسمها واسم رئيسها للإدلاء بأصواتهم فى العملية الانتخابية فى اليوم الأول من التصويت، مؤكدين أنهم جاءوا لرد الجميل لمصر وللرئيس السيسي.
الحاجة "خضرة سعيد" قالت إنها جاءت من حى الأسمرات اليوم إلى بولاق أبوالعلا للإدلاء بصوتها فى الانتخابات الرئاسية وانتخاب الرئيس عبدالفتاح السيسى لأنه وفر لهم حياة كريمة ونقلهم من الفقر والعشوائيات إلى مكان راق.
وأضافت: أنا بحب السيسي من غير أى حاجة ومن قبل ما آخد الشقة فى الأسمرات ولازم أرد له الجميل اللى عمله.
أما "ولاء عزت" فقالت إن مصر تستحق كل خير وتستحق الناس اللى بيحبوها زى الرئيس السيسي، ولازم نقف جنبها وننتخب السيسي لأنه هو الوحيد اللى مد إيده لينا وساعدنا نعيش فى مكان نضيف.
وتابعت أن سكان مثلث ماسبيرو كانوا يعيشون تحت خط الفقر وانتقالهم لحى الأسمرات خطوة للحياة، مطالبة الرئيس بإكمال ما بدأه معهم وتوفير باقى الخدمات التى يحتاجون إليها والنظر إلى الحالات الإنسانية التى ليس لها أى دخل لمساعدتهم على الحياة الكريمة.
وقالت الحاجة "أم كرم": "أنا بحب السيسي وهنتخبه عشان خاطر مصر ونفسي السيسي بعد ما ينجح ياخد باله من الغلابة شوية، كمان هو نقلنا لمكان نضيف ومتعشمين يكمل جميله معانا ويوفر لنا أى مصدر رزق".
وتابعت: "ماليش مصدر رزق غير المعاش بتاعى وكله 300 جنيه بس".
