«المايوه بالاتفاق».. سلمى أبوضيف تتحدى «قعدة رجالة»

أثارت تصريحات الممثلة الشابة سلمى أبوضيف ببرنامج «قعدة رجالة» على «DMC»، جدلًا على «السوشيال ميديا»، لما تحمله الحلقة من جرأة منها وتفاعل كبير بينها وبين مقدمي البرنامج.

ويرصد «الدستور» أبرز تصريحات سلمى أبوضيف خلال الحلقة:

1 - رسالة للرجالة: «الرجالة عبارة عن عقد وكلاكيع موجودة في بعضها، والست دايمًا هي الضحية، إحنا غلطانين إننا بنسكت ليهم، بس أنا ما بسكتش، خلوا بالكم يا رجالة».

2- «بحب الترحال والسفر كثيرًا سواء بمفردي أو مع أصدقائي أو العائلة»، و«فضلت أزن على أبويا سنتين فوق دماغه عشان أقنعه أسافر لوحدي».

3 - «لا أحب أن يتدخل الرجل ولا أحد في خصوصياتي، حتى ولو كان زوجي، لو أنا في علاقة مع حد، هيكون ليا خصوصيات زي ما هو ليه خصوصيات، فيه بنات بتحب الراجل يتدخل في خصوصياتها، والآخر بيكونوا تعساء ويفضلوا يلفوا ورا الراجل عشان يعرفوا هو بيكلم مين؟ أنا مش عايزه أوصل لمرحلة إني أعرف جوزي بيكلم مين».

4 - «فيه ناس عاوزين الكل يبقى زي بعضه، ومش عارفين إن فيه ناس تعليمهم وتربيتهم مختلفة عن الآخرين، فممكن نلاقي راجل شرقي جدًا موافق على إن المرأة لها خصوصيات، فلازم يكون فيه ثقة بين الطرفين، فزي ما بسيب زوجي يسافر لوحده، هو لازم يسبني أسافر لوحدي لو عايزه كده».

5 - موقفي من ارتداء المايوه «في أعمالي الفنية موضوع هيكون حسب الاتفاق مع زوجي».

6 - مواصفات فتى أحلامي: «لازم نكون فاهمين بعض ونتناقش في كل حاجة مع بعض، لازم يساعدني في حياتي العملية، ويكون خايف عليا، الراجل سواء كان شرقي أو غربي، لازم تتوفر فيه 3 حاجات، وهي: (يكون بيخاف على بيته وعائلته، وبيشجع اللي حواليه، والاحترام أهم حاجة عشان إحنا عندنا نقص فيه)».