«أوس أوس» يرثي والده من «مسرح مصر»: حبيبى يا أبويا

رثى الفنان الشاب محمد أسامة الشهير بأوس أوس والده من داخل مسرح مصر، قبيل استئناف تقديم عروضه اليوم داخل فندق جراند حياة.

ونشر أوس أوس صوره عبر حسابه الشخصي بموقع الصور الشهير "انستجرام" أمام المقعد الذي كان يجلس عليه والده أثناء تقديم العروض المسرحية، وعلق عليها قائلًا:"حبيبى يا أبويا مكانك فى المسرح هيفضل على طول موجود جوايا النهارده أول يوم اعرض على المسرح وانت مش موجود معايا زى ما عودتنى من اول ما بدأت تمثيل وعمرى ما هنسى كلامك ليا لما قولتلى انا باجى المسرح علشان انسى تعبى واتبسط شوف كام واحد بقى بيجيلك، وهو تعبان وعاوز ينسى تعبه ده معاكوا".

واختتم قائلًا: "الله يرحمك يا حبيبى وهعرض وصورتك قدامى وهبسطك بإذن الله يا حبيبى.. ربنا يرحمك ويغفرلك وتكون فى مكان أحسن بإذن الله".

وغيّب الموت والد «أوس أوس»، صباح الإثنين الماضي، بعد صراع طويل مع المرض.