«السيسي»: «مش هينفع نعمل مشروعات مترو بسعر التذكرة الحالى»

وجه الرئيس عبدالفتاح السيسي، الشكر للقوات المسلحة، والتى قامت بتفيذ مشروعات أنفاق "قناة السويس" فى الوقت المحدد، معربًا عن أمله فى إقامة مشروعات أكبر من ذلك، وتساءل: ماعرفش الشركات هاتبقى مستعدة تشتغل معانا فى المرحلة الرابعة للمترو والتى تشمل 14 كيلو متر ولا إيه؟. وقال الرئيس عبدالفتاح السيسي، خلال حفل، إنتهاء تنفيذ وتبطين، أنفاق قناة السويس، " مستعدين إنه يشتغلوا معانا، ونعمل، ولأول مرة فى مصر، كل حاجتنا من الأول للآخر، بشركات ومعدات مصرية، بس أنا بقولهم هاخد "المكن" من هنا على هناك، لكن لما بنيجى نعمل مشروعات زى كده، بناخد قروض من الدول، التى تمول هذه المشاريع، لكن فى هذه الحالة بتكون تمويلها من الدولة، ولكن قدرتها مش قوية، على إنها تمول مشروعات بالحجم ده، لوحدها، فإنتوا، محتاجين يبقى فيه تمويل بفائدة مناسبة، شوية من البنوك". وشدد الرئيس عبدالفتاح السيسي، فى كلمته، "لن تكون أسعار هذه المشاريع عادية للمستخدم، زى مابتتقدم دلوقتى، أنا بكلمكوا بصراحة، هاتاخد 30 مليار جنيه علشان تعمل خط مترو أنفاق بس من غير معدات، بالإضافة إلى 13 مليار أُخرى معدات، ده مش هاينفع إن إحنا نعمله بسعر التذكرة الموجود دلوقتى، ولا بضعف التذكرة، ولا بـ 3 أضعافها بصراحة كده". ووجه الرئيس، حديثه لمساعد رئيس الهيئة الهندسية للقوات المسلحة، اللواء أحمد فودة،: " لو كنتوا جاهزين دلوقتى يا "أحمد"، أنا جاهز، ادرسوا الموضوع ده، وتكون إنت المسئول قدامى عنه".