رسالة تحذير من الداخلية لأهالي ألتراس أهلاوي

وجه محمد حجازي, ملازم أول بالداخلية, رسالة  تحذير إلى أهالي شباب ألتراس أهلاوي ، عبر صفحة الجهاز الإعلامى لوزارة الداخلية على "فيس بوك" ، تتعلق رسالته بتهديدات الألتراس بشأن صدور حكم مجزرة ستاد بورسعيد الخاص بقيادات الداخلية ، ركز "حجازى" رسالته إلى الأهالي، رافضاً عدم سيطرتهم على أبنائهم المنتمين لحركة الألتراس، وحذر من عواقب خروجهم من حدوث أعمال عنف واشتباكات بينهم وبين قوات الأمن .

جاء نص الرساله: " يوم 9 مارس مكتوب على كل حيطة من الألتراس أهلاوي حسابنا مع الداخلية كلام جميل جدا جدا ماشي طيب ممكن من دلوقتي تحذير لكل واحد من ألتراس أهلاوي لسة بياخد مصروفه من بابا، بلاش تعمل حاجة عشان بابا وماما ما يطلعوش في التليفزيون يقولوا ابننا شهيد، و لو أنت مش عارف تحكم ابنك من النهاردة ما تزعلش عليه لأن جهاز الشرطة مش بتاع شوية عيال زعلانين من القضاء يبقى نروح نضرب في الشرطة".

وتابع : "لو سمحتوا لكل أب وكل أم احكم ابنك في البيت عشان خاطر انت صرفت على ابنك كتير، وأنا أهلي صرفوا علية وعندي أطفال مش ناوي أسيبهم عشان انت مش عارف تحكم ابنك".