إسراء عبدالفتاح ترد على منتقديها: "ربنا يفرحكوا أضعاف فرحتى"
ردت الفنانة الشابة إسراء عبدالفتاح، أحد أعضاء فريق "مسرح مصر"، على انتقاد عدد من الجمهور لها بعدم فرحتها وموافقتها على الزواج من الفنان الشاب حمدى الميرغنى.
وخرجت إسراء عن صمتها، ونشرت صورة لها عبر حسابها الرسمي بموقع الصور الشهير "إنستجرام"، وهى توقع على عقد قرانها، وعلقت عليها قائلة: "أهم ورقة مضيتها في حياتي.. عمري ما حبيت غيرك، أحلي وأهم يوم في حياتي، يوم ما بقيت مراتك.. أهم وأحلي وأغلى لقب في حياتي.. مدام حمدي الميرغني".
وتابعت، قائلة: "لكل الناس اللي بتقول إني كنت متضايقة ومكنتش مبسوطة، أقسم بالله أنا عمري ما كنت مبسوطة ولا فرحانة، ولا بضحك من قلبي غير في يوم كتب كتابي.. لكل الناس اللي أنا مش فاهمة هما متضايقين ليه، ربنا يرزقكوا بحد يعملكوا أضعاف اللي اتعملي ويفرحكوا أضعاف فرحتي".
وختمت حديثها، قائلة: "والناس اللي بتقول إني كنت مجبرة على الجواز، ده الراجل اللي اخترته بكامل إرادتي اللي قلبي وعيني مبيشوفوش حد غيره.. ربنا يخليك ليا يا حمدي ويبعد عننا الناس اللي مش فرحانة بفرحتنا".
