أصالة تُشبَّه أحداث سوريا بجرائم هتلر: "وينكم يا عرب"

عبرت الفنانة السورية أصالة عن حزنها الشديد لأحداث التفجيرات الأخيرة التي شهدتها منطقة الراشدين بسوريا، وراح ضحيتها 100 قتيل متسائلة: "وينكم يا عرب".

وقالت أصالة عبر صفحتها الشخصية بموقع "إنستجرام": "لمّا حكولنا عن فظائع هتلر قلنا أكيد فيه كم كلمة لا يمكن يكون إلها فعل، لأنّه مو معقول يكون الإنسان يقطّع ويشرّد أخيه الإنسان، وكتير شكّينا بالماضي الإجرامي اللي سمعنا عنّه، وقرينا وحتّى لمّا شفنا مشاهد قديمة لأحداث حقيقيّة كمان ما صدّقنا ميّة بالميّة".

وأضافت: "اليوم اللي عم يصير بسوريا حقيقة، كلنا شاهدين على ناس عم تنقتل وعم تتشرّد بالملايين وكمان عم نشهد على ظلم المظلومين أصلاً وتسكير بواب بوشهم، وكلهم كلمتين بنقولهم وشعور بنحسه وكم دمعه، وين بلادنا العربيّة اللي أقل شي تفتح بوابها لناس الموت حتّى بالنسبة إلهم صار رفاهية بحال اطّمنوا بأنّه حيكون إلهم قبر، أنا آسفة على استخدامي لألفاظ عمري ما استخدمتها ، بس كلمة ڤيزا لسوري، لا وكمان الڤيزا صعبة وشبه مستحيلة، والله عيب علينا وحرام، ولّا العيب كلمه مطّاطة بنحطها بجملة غير مفيدة كعادتنا، والحرام كمان ما إله غير اللي بنعرفه عنّه، موت الجسد أبسط من موت الضمير، أرحموهم يرحمكم الله. وينكم يا عرب سوريا الجريحة.. سوريا تنزف.. سوريا تصرخ.. الضمير العربي يا الله يارب".

يذكر أنه تم تفجير سيارة مفخخة استهدفت منطقة تجمع الحافلات التي تنقل أهالي بلدتي كفريا والفوعة، الشيعيتين، في منطقة الراشدين غرب حلب، وسقط 100 قتيل جراء الانفجار.