اجري من التعنيف الجري من الجربان

نصيحة من قلبي
لو حد عايش مع حد عنيف لازم ينهي الماساة دي فورا و يسيبه
لأن العنيف ببساطة بتكون وجهة نظره حاجة من الاتنين إنسان طبيعي و ان اللي عايشين معاه دوما بيدفعوه للتعامل بالشكل ده و ان هو اللي صح و هما اللي أغبياء
أما الثانية و دي الاصعب أنه ما بيحسش بنفسه وقت الغضب لأنه بردو حاجة من الاتنين أما ممسوس و مع اعترافه في أغلب الأحيان ما بيروحش لشيخ
أو عصبي و مع أنه معترف في أغلب الأحيان ما بيروحش لدكتور
و في كل الحالات السابقة بعد ما يعمل عملته و يعنف اللي عايش معاهم يقعد يستعطفهم و يعتذرلهم بعد ما يشوف آثار ما فعله على أجسادهم بعد طبعا ما يكون مصدوم من هول الفاجعة
خلاصة الموضوع أنه هيبقى الحال على ماهو عليه و ممكن كتير تعدى لكن كمان ممكن تيجي الطوبة في المعطوبة و اللي بيتم تعنيفه أما تجيله عاهة مستديمة أو يفقد حياته لا قدر الله
لذلك عزيزي المعنف عزيزتي المعنفة
أجروا من اللي بيعنفكم الجري من الجربان
و سيبوله الجمل بما حمل
و انفد بجلدك
أما عزيزي اللي بتعنف نصيحة من قلبي راجع دكتور لأن مصيرك حاجة من الاثنين أما مسجون و اما مسموم و قبل المصير ده هيهجرك كل ناسك و تعيش وحدك محروم من الأهل والخلان
خليك إيجابي وأرفض العنف