شاهد..عم "ضحية الرحاب" يعلق على مقتل ابن شقيقه

قال يسري خلف، عم ضحية أمين الشرطة بالرحاب، "الولد كان غلبان وملوش في أي حاجة خالص، ولا يعرف أمين الشرطة، اختلقوا أمين الشرطة طلع السلاح وضربه، ومفيش أي مشكلة قبل كده ولا أي حاجة لده كله".

وتابع "خلف"، خلال مداخلة هاتفية مع الإعلامية إيمان الحصري، في برنامج "90 دقيقة"، المُذاع على فضائية "المحور"، "مش عارفين حقنا ولا هنروح لمين، ولا اللي إحنا فيه هيوصلنا لايه، الولد كان عنده 23 سنة وهيتجوز بعد العيد يرضي مين ده، نقول ايه ولا نكلم مين حسبي الله ونعم الوكيل".

وأضاف "عاوزين حقنا، عاوزين حقه من الداخلية أو الوزير، مش عاوزين نقعد شهور وسنين والحادثة تاخدلها يومين وخلاص، إحنا متمرمطين وسايبين بلدنا عشان خاطر نموت هنا، إحنا نشقى ونتعب عشان نعمل مستقبلنا وهم يجوا يقتلونا بمنتهى السهولة"، مطالبًا بإعدام أمين الشرطة.