نشوى مصطفى: "هوجة دمها مش لذيذ تسيطر على التلفزيون"

عبرت الفنانة المصرية نشوى مصطفى، عن استيائها من نوعية البرامج الكوميدية التي تقدم في التلفزيون، مطالبة بأفكار جديدة يكتبها متخصصين في الكوميديا.

نشوى مصطفى، قالت عبر صفحتها الشخصية بموقع "فيس بوك": "هو مش من الجائز أنى أقول كده بس التليفزيون أتملى برامج تقيلة أوى -- با تفرج مش بابتسم-- قلت يمكن أنا اللي استقبالي فيه مشكلة لكن أنا من شوية كنت في مكان بيتجمع فيه نوعيات وأعمار مختلفة وعينات من الستات "الكوافير" وكان ده رأيهم كلهم-- ومع كل نقد يبصولى ويعتذروا كأني مسئولة عن ما يقدم في القنوات".

وأضافت: "الحقيقة سياسة القطيع تحكم-- هوجة كوميدية دمها مش لذيذ وفلوس بتتصرف في ولا حاجة-- محتاجين أفكار جديدة يكتبها بشر بتفهم في الكتابة الكوميدية".