بالفيديو.. حساسين لـ"أبلة فاهيتا": اتلمي وابعدي عن البرلمان

قال الإعلامي سعيد حساسين، أن الدمية "أبلة فاهيتا" تسخر من البرلمان المصري، والبرلمان لديه ما يشغله، فرئيس البرلمان في زامبيا، وبيان الحكومة يوم27، وهناك قوانين سيتم اقرارها، والنواب سيراقبون الحكومة، وسيقومون بعمل خدمات للمواطنين.

وتابع "حساسين"، خلال برنامجه "إنفراد"، المُذاع على فضائية "العاصمة"، أنا مش عارف أقول ايه خايف لساني يفلت واقول كلام ميصحش، وخايف اسكت وابلع لساني زي نواب، لكن بقول لرئيس غرفة الإعلام محمد الأمين هو لازم الست فاهيتا تتريق على البرلمان؟، لو لازم خلاص نرضي سيادتك وأبلة فاهيتا والناس اللي بتضحك قدامها على رجالة، أقل ما يُقال عنهم إنهم رجالة مش أنصاف رجالة".

وأضاف "بقول لأبلة فاهيتا اتلمي وابعدي عن البرلمان، ميبقاش ناس شغالة وتسفهوا منها، النهارده تتريقوا على البرلمان بكره الحكومة بعده الرئيس، وبحذرك لو اتكلمتي تاني على البرلمان والله ما هنسيبلك إلا لما تقفلي".