الفنان أحمد شيبة يطرح «طلق فاضى» على يوتيوب (فيديو)
طرح الفنان أحمد شيبة، مساء الأربعاء، أغنية جديدة تحمل اسم «طلق فاضي»، وذلك عبر قناته الرسمية بموقع يوتيوب.
الأغنية من كلمات عمرو قطب وألحان خالد سلطان ووليد سامي، وتوزيع أشرف البرنس وجرافيك ديزاين محمد عاشور وسوشيال ميديا محمود شيبة، وجاءت كلمات الأغنية كالتالي:
"كلها عارفة تمام بعضيها.. متعيشوهاش بقا وتسوقو فيها والشيطان يلعب بدماغكم.. وتقولوا حاجة تحاسبوا عليها مش كل واحد رجله تشيله.. يفتكر انه معلم جيله وهو هفأ وفي نفسه عويل.. والناس على عينه بتديله صدعتونا كلام.. عايزين نشوف افعال لو انتو كله تمام.. اثبتولي انكو أبطال كفايا ضرب في طلق فاضي عايز أشوف راجل قصادي.. والميدان واسع وفاضي لأي حد يجيله الشوووق.. بتعيدو وتزيدوا في خيابه وتقضوها فشخرة كدابه صدقوني عليكو هتغابه.. وأنا لما بزعل مش بروووق كلها عارفه تمام بعضيها" .
وتابعت: "متعيشوهاش بقا وتسوقو فيها والشيطان يلعب بدماغكم...وتقولو حاجه تحاسبو عليها مش كل واحد رجله تشيله..يفتكر انه معلم جيله وهو هفأ وفي نفسه عويل...والناس علي عينه بتديله بس هوووس..مسمعش حس تمامكم كلاام..وبوق بس بس هوووس..مسمعش حس صوتكم هيعليي..لسانكم هقص كفايا ضرب في طلق فاضي..عايز اشوف راجل قصادي والميدان واسع وفاضي لأي حد يجيله الشوووق..بتعيدو وتزيدو في خيابه وتقضوها فشخره كدابه صدقوني عليكو هتغابه..وانا لما بزعل مش بروووق شادين حيلكم ليه وعلي مين ابطال مين خلونا ساكتين ده انتو اخركو ترصو كراسي وفي حضورنا تخليكو واقفين قدامكم سنين بدري عليكو لما الناس تتشرف بيكو اقعدو زاكرو تاريخنا كويس قبل ما ترفعو فينا عنيكم يلااا هش..مش طالبه وش خدلكو سااااتر..عايزين نرش انا حوت وقرش...ومبتكلش وبطولي نااازل اكسب و اقش".
وتابعت كلمات الأغنية: "البابا جالكو اللي شاغلكو كينج اللعبه معلم جيلكم انتو فينكو هاتو اخركو انتو مين يلا مش شايفنكم هي انصاصها هتنسا اساسها ولا دماغكو الضرب لحسها الشغلانه دي ليها عتاوله محدش يعمل راسه براسنا مدرسه ايه اللي فتحتوها ده انتو ناقصكو دروس تاخدوها كبرت اوي منكو ولموها بطلو هري وبطلو غل كلها عايشه دور العناتيل ماشيه تصهلل زي الخيل كلها وقت الجد بتجري وتخاف تلعب علي اللي يشيل كلكو في الفاضي وده اخركو تعملو بلالين علي اللي نافخكم لا بتفهمو في اصول ورجوله ولا حتا بتحترمو كبيركم كفايا ضرب في طلق فاضي عايز اشوف راجل قصادي..والميدان واسع وفاضي لاي حد يجيله الشوووق..بتعيدو وتزيدو في خيابه وتقضوها فشخره كدابه صدقوني عليكو هتغابه..وانا لما بزعل مش بروووق بس هوووس..مسمعش حس تمامكم كلاام..وبوق بس بس هوووس..مسمعش حس صوتكم هيعليي..لسانكم هقص" .
