شاهد.. منصور لأهالي الألتراس : مصير ولادكم يا السجون يا القبور

قال المستشار مرتضى منصور، رئيس نادي الزمالك، إن الأولتراس يريدون إشعال مصر، خصوصا بعد مرور الذكرى الخامسة لثورة 25 يناير على خير.

وأضاف خلال مداخلة هاتفية ببرنامج " انفراد" مع الإعلامي " سعيد حساسين " على قناة "العاصمة"، "عايزين يعملوا مشكلة يوم مباراة القمة، ويحتكوا بالشرطة، سواء أولتراس الأهلي أو الزمالك، وينضرب عليهم دخان ويحصل تدافع، والعيال تموت، ويبقى مرتضى منصور هو السبب علشان هو اللى مرضيش الماتش يكون في إستاد برج العرب".

وأكد أنه تنازل عن قضية "اقتحام النادي" لشعوره حينها أنهم شباب محترم ولكنهم أثبتوا عكس ذلك، محذرا ، بقول لأهاليهم، اللي هيجيلي تاني ويبوس الجزمة علشان اتنازل هديله بالقديمة".

واستطرد قائلاً: "أنا اتهددت بالقتل واتنازلت، لكن شوفوا ولادكوا بيعملوا إيه، القاضي أمر بالتحفظ على كل المتهمين بعد تنازلي".

وهدد مرتضى أهالي الألتراس قائلا، "مصير ولادكوا يا السجون يا القبور، لأنهم لو احتكوا بالشرطة هيردوا عليهم"، وتابع "الجبناء دول عملوا وقفتهم في الفسطاط خليهم يمكن يطلعلهم المماليك هناك".